Text copied!
CopyCompare
परमप्रभु यावे आ लोव़ - हितोपदेस - हितोपदेस 30

हितोपदेस 30:21-30

Help us?
Click on verse(s) to share them!
21मिनु थोव़क सांमी रागी कली ख्रिंख्रि पपाइक्‍नीम। ४ ओटा थोव़क मेको फाल्‍ने मचाप्‍चा ङा बाक्‍नीम। उपदेसक १०:६-७
22मेको ४ ओटा थोव़क मार बाक्‍तेक्‍म देंशा हना, वाइल पिप दुम्‍शो, मूर्ख जशा ब्‍वशा रूशो,
23मरिम्‍शो मीश आल कली ग्‍युंबे पशो नु वाइलीम आ होव़पोक्म आ पा ङा मेको खिं ङा होव़पोक्‍म दुम्‍शो, एको ४ ओटा फाल्‍ने मचाप्‍चा ङा थोव़क बाक्‍नीम। ब्‍यवस्‍था २४:१-४
24रागीम ४ ओटा आइक्‍च थोव़क बाक्‍नीम। तन्‍न मेकोपुकी थम जोक्‍ब तुइक्‍ब बाक्‍नीम।
25रकमिक्‍च शुश बोल मपाइश्‍शो बाक्‍तेक्‍म हना यो, आन जचा थोव़क खुप्‍ची ना खुप्‍शा तेल्‍नीम। हितोपदेस ६:६-८
26ब्‍वित्‍ती खोदेंशो जन्‍तु शुश बोल मपाइश्‍शो बाक्‍नीम। मो हना यो मेकोमी आन खिं रोंगुम सेल्‍नीम।
27मिनु माले आन के पिप मबाक्‍ब। मोदेंशो बाक्‍तेक्‍म हना यो, मेकोपुकी लडाइ पाइब खोदेंशो पा तांती खिक्‍शा गाक्‍नीम।
28खोते आन कली गुइम ग्‍याइक्‍ने चाम्‍सीब हना यो, मेकोपुकी पिप आ दरवारमी बाक्‍नीम।
29मिनु थोव़क सां बाक्‍नीम। मेको ठेयब मुर खोदेंशो पा गाक्‍नीम। मिनु ४ ओटा थोव़क बाक्‍नीम। मेको ठेयब लेश्‍शा हिरनीम।
30मेको मार बाक्‍नीम देंशा हना, गुप्‍स, जन्‍तु नेल्‍ल आन दातेमी नेल्‍ल क्‍येङा बोल्‍यो बाक्‍ब। मेको सुइ क्‍येङा महिंब।

Read हितोपदेस 30हितोपदेस 30
Compare हितोपदेस 30:21-30हितोपदेस 30:21-30