Text copied!
CopyCompare
परमप्रभु यावे आ लोव़ - हितोपदेस - हितोपदेस 2

हितोपदेस 2:4-22

Help us?
Click on verse(s) to share them!
4गे मेको कली चांदी खोदेंशो पा माल्‍तीवी नु थिम्‍शा वोइश्‍शो शोंप माल्‍शो खोदेंशो पा दोप्‍तीवी हना,
5गे परमप्रभु यावे कली दोपा मान पा हिंचा माल्‍बा, मेको तुइक्‍ने चाप्‍नेवे। मिनु गे परमप्रभु कली तुइश्‍‍शा शेंसीने चाप्‍नेवे।
6मारदे हना परमप्रभु यावे तुइक्‍‍तीक थुं गेब बाक्‍ब। आ शोव़ रे जोक्‍तीक नु रुप्‍तीक लोव़ ग्रूब। दानीएल २:२०-२३
7मेकोमी रिम्‍शो थुं पाइश्‍शो मुर आन कली तुइक्‍तीक थुं गे‍ब। मेको दोस मताइब आन कली तेक्‍तीके बाक्‍ब। भजन संग्रह ७:११
8परमप्रभु यावेमी ठीक निसाफ बाक्‍बा देय मबाक्‍बा मेको कोव़ब। आ लां गाक्‍ब आ मुर आन कली कोव़ब।
9मिनु गे ठीक पतीके नु ठीक निसाफ, कुल मकोव़थु रिम्‍शो पतीके नु रिम्‍शो लां मार बाक्‍मे रुप्‍‍नेवे।
10मेना तुइक्‍तीके इ थुंमी ओव़ब नु इ जोक्‍तीकेमी इ थुं कली ग्‍येरपाइक्‍ब। १कोरिन्‍थी १:३०
11मिनु होस पतीकेमी इ कली खाल पाइब। रुप्‍तीकेमी इ कली कोव़ब।
12मेकोमी इ कली मरिम्‍शो लां नु दूली लोव़ पाइब मुर रे प्रोंइब।
13मेकोपुकी रिम्‍शो थुं पाइश्‍शो मुर आन लांम गाक्‍चा प्रोंइ‍शा, छिङछिङ ङा लांम गाक्‍नीमी,
14मेकोपुकी थम मरिम्‍शो पचा कली ग्‍येरसीनीम। शुश दूली नु मरिम्‍शो पतीकेमी ग्‍येरसीनीम।
15मेको आन पतीक काइ मरिम्‍शो बाक्‍ब। हेंथे लां गाक्‍ब बाक्‍नीम।
16होस पतीके नु रुप्‍तीकेमी इ कली हेंथे पाइब मीश मुर नु आ वाल्‍चा ङा लोव़ रे यो प्रोंइब।
17मेकोमी आ ग्‍युंबे पशो वोंइश कली प्रोंइशा, परमप्रभु यावे आ ङोंइती पशो कबल प्रेंताक्‍व।
18मेको आ खिं ओव़ब नेल्‍ल बेक्‍तीक लां लाइनीम। मेको आ खिं ङा लां बेक्‍शो मुर आन बाक्‍तीक लतीक लां बाक्‍ब।
19मोदेंशो मीश मुर आ बाक्‍तीक लाइबपुकी गेनायो लेन्‍ने मचाप्‍नीम। मिनु ब्रोंइतीक लां यो मताइनीम।
20मोपतीके रिम्‍शो मुर आन लां गाक्‍को। ठीक पाइब आन लां गाक्‍को।
21मारदे हना रिम्‍शो थुं पाइश्‍शो मुर रागीम बाक्‍चा ताइनीम। दोस मताइबपुकी रागीम लीनीम। भजन संग्रह ३७:९; मत्ती ५:५
22तन्‍न परमप्रभु यावे आ अरेशो मटीबपुकी आन शाक्‍श रेन रागी रे तुल्‍चा पुंइसीनीम। थमा मसुइक्‍बपुकी सुवा खोदेंशो पा ताइक्‍चा पुंइसीनीम। भजन संग्रह ३७:१०

Read हितोपदेस 2हितोपदेस 2
Compare हितोपदेस 2:4-22हितोपदेस 2:4-22