Text copied!
CopyCompare
परमप्रभु यावे आ लोव़ - हितोपदेस - हितोपदेस 21

हितोपदेस 21:9-31

Help us?
Click on verse(s) to share them!
9गेना हना यो जिचा पोक्‍ब मीश नु ठेयब खिंम बाक्‍चा क्‍येङा, तला ङा कुना कामी बाक्‍चा रिम्‍शो बाक्‍ब।
10परमप्रभु यावे आ अरेशो मटीबपुकीमी मरिम्‍शो ला पचा दाक्‍नीम। मेकोपुकीमी आन नेक्‍था ङा मुर आन कली यो शिशी मपाइनीम।
11शुक्‍शी पाइब कली सजाइ गेशोनु, मारेइ मजोक्‍ब मुर इच्‍का जोक्‍ब तुइक्‍ब दुम्‍नीम। मिनु जोक्‍ब तुइक्‍ब मुर आन कली शेंशोनु, आन जोक्‍तीके बारब। हितोपदेस १९:२५
12ठीक पाइबमी परमप्रभु यावे आ अरेशो मटीब मुर आन खिं कोव़ना कोव़न बाक्‍ब। मिनु परमप्रभुमी आ अरेशो मटीब आन कली खतम पोक्‍ब।
13सुमी प्रुङग आन पुंइशो मनेंबा, मेकोमी यो पुनानु, सुइमी यो मनेंनीम।
14ख्रुइश्‍शोमी मार मार गेशोनु, चुरब मुर यो मचुरनीम। मिनु वा आगामी ख्रुइश्‍शा गेशोमी ठेयब गाइक्‍तीक तेक्‍ब। १सामुएल २५:१८-३५
15निसाफ दुम्‍मेनु ठीक पाइब ग्‍येरसीनीम। तन्‍न मरिम्‍शो पाइबपुकी हिंनीम।
16सुइ मुर रुप्‍तीक लां प्रोंइतु हना, मेको बेक्‍शो मुर आन बाक्‍तीक लशा नाइक्‍ब।
17सुम आंम दाक्‍शो पना पन बाक्‍बा, मेको प्रुङग दुम्‍ब। सुमी अङगुर शांबु नु तेल दाक्‍बा, मेको मुर यो प्रुङग दुम्‍ब। हितोपदेस २३:२१
18ठीक पाइब आन पा ङा परमप्रभु यावे आ अरेशो मटीबपुकीम सजाइ ताइनीम। मिनु गेना हना यो रिम्‍शो पाइब आन पा ङा थमा सुइक्‍चा मपुंइसीब मुर सजाइ ताइनीम।
19शुश जिचा पोक्‍ब नु चुरब मीश नु बाक्‍चा क्‍येङा गोरशो रागीमी बाक्‍चा रिम्‍शो दुम्‍ब।
20जोक्‍ब तुइक्‍ब मुर आन खिंम शुश क्‍येट लाइब शोंप नु तेल बाक्‍ब। तन्‍न मूर्खमी आ बाक्‍शो नेल्‍ल थुम्‍‍ब।
21सु मुरुमी ठीक पतीके नु शिशी पतीके आ नोले खोइक्‍बा, मेको ब्रोंइशा, सोशा बोशा दुम्‍शा मान ताइब दुम्‍ब।
22जोक्‍ब तुइक्‍ब मुर कामी बोल्‍यो लडाइ पाइब आन सहर कली लडाइ तोप्‍तु। मिनु मेकोमी आन बोल्‍यो, थमा सुइश्‍शो, ब्रोंइशा बाक्‍तीक सहर ग्रात।
23सुमी मिम्‍शा ठीक लोव़ पाइबा, मेकोमी आंम कली श्‍येत रे प्रोंइब। हितोपदेस १३:३
24ठेयब लेश्‍शो, बोरशो मुर आ नें शुक्‍शी पाइब बाक्‍ब। मेकोमी ठेयब लेश्‍शो नु बोरशो गेय ला पाइब।
25अल्‍से गेय मपतीके बेक्‍नीम। मारदे हना अल्‍से आन गुइम गेय पने मबिप्‍ब। हितोपदेस १३:४
26नाक्‍त रे अल्‍‍‍सेमी मारेइ मारेइ माल्‍ब। तन्‍न ठीक पाइबमी मखेक्‍थु, गेब।
27परमप्रभु यावे आ अरेशो मटीब आन चढ़ेशो ग्रांग्रा दि‍शो बाक्‍ब। मेकोमी मरिम्‍शो मिम्‍शा चढ़ेशो शुश ग्रांग्रा बाक्‍ब। हितोपदेस १५:८
28जोल पाइब सांकछी जाम्‍शा लाइनीम। तन्‍न रिम्‍शो पा नोफा दाइश्‍शा नेंब मुर थमा ङा सांकछी बाक्‍ब। हितोपदेस १९:५,९
29परमप्रभु यावे आ अरेशो मटीब मुर बोल्‍यो मुर खोदेंशो पा गाक्‍नीम। तन्‍न गेना हना यो रिम्‍शो थुं पाइश्‍शो मुर मिम्‍ना मिम्‍न गाक्‍नीम।
30मुर आन तुइक्‍तीक, रुप्‍तीके अर्ती गेतीके परमप्रभु यावे आ ङोंइती थम आइक्‍च बाक्‍ब। भजन संग्रह ३३:१०-११
31लडाइ पची नाक्‍त कली शारा ठीक पशो बाक्‍त। तन्‍न ग्रातीक परमप्रभु यावे आ गुइमी बाक्‍ब। भजन संग्रह ३३:१७

Read हितोपदेस 21हितोपदेस 21
Compare हितोपदेस 21:9-31हितोपदेस 21:9-31