21ङोंइती रीब पा थेरशो रू नोले आसीक मराइब।
22गे मरिम्शो पाइब कली क्येक्क लेत्नुङ मदेनो। परमप्रभु यावेमी पाइब, दे रिम्दो। मिनु इ कली वारच पाइब। हितोपदेस २४:२९; रोमी १२:१७
23जोल पा नाक्तीक तशा परमप्रभु यावे ग्रांग्रा दीब। मिनु दूली नाक्तीक ठीक मबाक्नीम।
24परमप्रभु यावेमी मुर आन कली लां कोंइब। सुमी आंम लां रुप्ने चाप्बा ङा?
25मुरुमी ममिम्थु “परमप्रभु यावे केन बाक्ब” देंशा, कसम जचा, थम हिंचा ङा बाक्ब। मारदे हना नोले मिम्शा, मार दुम्बा ङा?
26जोक्ब तुइक्ब पिपमी परमप्रभु यावे आ अरेशो मटीब आन कली तिल्ब। मिनु मेको आन कली साइक्ब।
27मुर आन थुं परमप्रभु यावे आ बत्ती बाक्ब। मिनु मेकोमी रां नेल्ल कली कोव़ब। १कोरिन्थी २:११