2गे मार मार माल्नीनी मेको आ पर्बम मतुइक्ताक्नी हना, मेको शोर गाक्शो बाक्ब। सु रीब पा गाक्बा, मेको आ लां जाम्ब।
3मुर आन मूर्ख पतीकेमी खतम दुम्नीम। मो हना यो मेकोपुकीमी परमप्रभु यावे कली दोस गेनीम। बिलाप ३:३९
4शुश क्येट बाक्ब मुर नु शुश वारच बाक्नीम। तन्न प्रुङग आन कली आन बाक्शो वारचमी यो प्रोंइनीम। हितोपदेस १४:२०
5जोल पा सांकछी बाक्ब मुर सजाइ मतथु मब्रोंइब। मिनु जोल पाइब यु बुइश्शा प्रोक्ने मचाप्ब। हितोपदेस २१:२८; ब्यवस्था १९:१८-२१
6शुश मुरुमी ठेयब मुर आन शिशी दाक्नीम। मिनु सुमी अरु कली गेबा, मेको आ वारच शुश बाक्नीम।
7प्रुङग मुर कली आ लोक्बपुकीमी यो पोंइनीम। मेको आन क्येङा आ वारचपुकीमी प्रोंइनीम। मेकोमी मेको आन कली ब्रेप्ब, तन्न सुइम मनेंनीम।
8सुम आंम कली दाक्बा मेकोमी तुइक्तीक माल्ब। रुप्ब मुर सोशा बोशा ग्येत्थ लाइब।
9जोल पा सांकछी बाक्ब मुर सजाइ मतथु मब्रोंइब। मिनु जोल पाइब मुर खतम दुम्नीम
10मूर्ख मुर क्येट थीब मुर खोदेंशो पा बाक्चा मशिरब। मिनु वाइलमी ठेयब मुर आन कली हुकुम पचा यो मशिरब।
11निप्स पाइश्शो मुर ओंखां पा गाइक्नीम। मिनु अरुमी थुं खाइक्तीक लोव़ पाम्तेक्म हना यो, मेको सिक्सी पा बाक्चा आ मान बाक्ब। हितोपदेस १४:२९
12पिप आ गाइश्शो गुप्स आ ग्रीशो खोदेंशो बाक्ब। आ दाक्तीक चहिं घांस तार दोक्शो सुनी ङा सीत खोदेंशो बाक्ब। हितोपदेस १६:१४-१५
13निप्स मपाइश्शो तौ आ आफ कली श्येत बाक्ब। मिनु गेना हना यो जिचा पोक्ब मीश, तप तप पा याप्शो ब्वाक्कु खोदेंशो बाक्ब। हितोपदेस २७:१५-१६
14खिं नु शोंप आम आफ रे तांइसीब। तन्न होस पाइब मीश चहिं परमप्रभु यावे रे तांइसीब। हितोपदेस १८:२२
15अल्सी पतीकेमी निन्द्रा पपाइक्ब। अल्से शोव़लुन बाक्चा माल्नीम।
16सुमी परमप्रभु यावे आ शेंशो टीनीमी, मेको ब्रोंइचा ताइनीम। सुमी मटीनीमी मेको बेक्चा माल्नीम। हितोपदेस १६:१७
17सुमी प्रुङग कली शिशी पा गेबा, मेकोमी परमप्रभु यावे कली गेब। मिनु परमप्रभु यावेमी मेको कली नेल्ल लेप्ब। हितोपदेस १४:३१; भजन संग्रह ४१:२-४; दानीएल ४:२४; मत्ती ५:७; मत्ती २५:४०; २कोरिन्थी ९:६
18आस बाक्म सम्म इ तौ कली शेंशा तुपो। तन्न मेको कली तुप्शा मसतो। ब्यवस्था २१:१८-२१
19रीब पा शुश चुरब मुर सजाइ ताइब। गे मेको कली तेक्चा माल्तीवी हना, मेको क्येङा शुश गाइक्ब।
20नोफा दाइश्शा अर्ती नेंशा, शेंतीक टिने। मो पाइतीनी हना, तुइक्तीक पाइश्शो मुर दुम्नीनी।
21मुर आ थुंमी शुश मिम्तीक बाक्नीम। तन्न परमप्रभु यावे आ मिम्शो ला दुम्ब। हितोपदेस १६:९
22शिशी पाइब मुर दुम्चा रिम्शो बाक्ब। जोल पाइब दुम्चा क्येङा प्रुङग दुम्चा रिम्शो बाक्ब।
23परमप्रभु यावे कली मान पा हिंचा ब्रोंइतीक बाक्ब। मो दुम्त हना, गे महिंथु, श्येत मजथु बाक्नीनी।
24अल्सेपुकीमी आन गुइ खमेम ख्रुम्नीम। तन्न आन गुइ शोव़ सम्म मचाक्नीम। हितोपदेस २६:१५
25शुक्शी पाइब आन कली तुप्शोनु, मारेइ मजोक्बपुकी होस पा बाक्चा शेंसीनीम। निप्स पाइश्शो मुर कली हुइश्शोनु, मेको क्येङा जोक्ब दुम्ब। हितोपदेस २१:११
26सुमी आ आफ कली श्येत गेबा नु आ आम कली खेरबा, मेको ग्रांग्रा दिशो नु मुने तोक्ब तौ बाक्ब।
27आं तौ, गे जोक्ब मुर आन लोव़ रे हेंथे लचा प्रोनो। मो पाप्तीवी हना गे शेंशो लोव़ नेंने चाप्नेवे। याकूब १:२२
28शोर गाक्शो सांकछीमी निसाफ पतीक आ पर्बम शुक्शी पाइब। मेकोमी परमप्रभु यावे आ अरेशो मटीब। मरिम्शो पतीके जचा थोव़क खोदेंशो पा दाक्ब।
29सजाइ शुक्शी पाइब आन कली बाक्ब। तुप्तीके मूर्ख आन ची कली माल्ब। हितोपदेस २६:३
हितोपदेस 19
हितोपदेस 19:2-29