12पिप आ गाइश्शो गुप्स आ ग्रीशो खोदेंशो बाक्ब। आ दाक्तीक चहिं घांस तार दोक्शो सुनी ङा सीत खोदेंशो बाक्ब। हितोपदेस १६:१४-१५
13निप्स मपाइश्शो तौ आ आफ कली श्येत बाक्ब। मिनु गेना हना यो जिचा पोक्ब मीश, तप तप पा याप्शो ब्वाक्कु खोदेंशो बाक्ब। हितोपदेस २७:१५-१६
14खिं नु शोंप आम आफ रे तांइसीब। तन्न होस पाइब मीश चहिं परमप्रभु यावे रे तांइसीब। हितोपदेस १८:२२
15अल्सी पतीकेमी निन्द्रा पपाइक्ब। अल्से शोव़लुन बाक्चा माल्नीम।
16सुमी परमप्रभु यावे आ शेंशो टीनीमी, मेको ब्रोंइचा ताइनीम। सुमी मटीनीमी मेको बेक्चा माल्नीम। हितोपदेस १६:१७
17सुमी प्रुङग कली शिशी पा गेबा, मेकोमी परमप्रभु यावे कली गेब। मिनु परमप्रभु यावेमी मेको कली नेल्ल लेप्ब। हितोपदेस १४:३१; भजन संग्रह ४१:२-४; दानीएल ४:२४; मत्ती ५:७; मत्ती २५:४०; २कोरिन्थी ९:६