Text copied!
CopyCompare
परमप्रभु यावे आ लोव़ - हितोपदेस - हितोपदेस 18

हितोपदेस 18:7-19

Help us?
Click on verse(s) to share them!
7मूर्ख आ लोव़ पतीकेमी आंमान खतम दुम्‍ब। आ लोव़मी मेको कली साइक्‍ब।
8नोफा मुइक्‍ब आन लोव़ शुश ब्रोव़शो जचा थोव़क खोदेंशो बाक्‍ब। मेको मुर आन थुं सम्‍म जाक्‍दीप्‍ब। हितोपदेस २६:२२
9अल्‍सी पाइब मुर हेंथे पाइब आ लोक्‍ब बाक्‍ब। हितोपदेस १०:४
10परमप्रभु यावे आ नें बोल्‍यो लाइश्‍शो खिं खोदेंशो बाक्‍ब। ठीक पाइबपुकी मेकेर दोरशा लशा, ब्रोंइशा बाक्‍नीम। हितोपदेस १४:२६; भजन संग्रह ६१:४
11थीब मुर आन शोंप मेको आन कली बोल्‍यो सहर खोदेंशो बाक्‍ब। मेकोपुकीमी आन शोंप कली ठेयब गारो खोदेंशो मिम्‍नीम। हितोपदेस १०:१५
12खतम दुम्‍चा क्‍येङा ङोंइती मुर ठेयब लेत्‍नीम। मान तचा क्‍येङा ङोंइती मुर ब्रेम्‍शो दुम्‍‍नीम। हितोपदेस १६:१८
13सुमी लोव़ नेंचा क्‍येङा ङोंइती लोव़ लेप्‍बा, मेको मूर्ख दुम्‍तीके मुने दोक्‍ब मुर बाक्‍ब।
14मुर आ थुंमी रां ङा रोइ फाल्‍ने चाप्‍ब। तन्‍न आ थुं लुक्‍च लत हना, सुम फाल्‍ने चाप्‍‍बा ङा?
15निप्‍स पाइश्‍शो मुर आ जोक्‍तीके बारना बारन लाइब। जोक्‍ब तुइक्‍ब मुरुमी मेको क्‍येङा जोक्‍चा कली नोफा दाइक्‍ब।
16सुमी कोसेली गेबा, मेकोमी ठेयब मुर नु लोव़ पचा यो ताइब। उत्‍पत्ती ४३:११
17सुमी जितीकेमी ङोंइती ब्‍वाक्‍बा, मेको कली नोले ङा मुर मब्‍वाक्‍म सम्‍म नेल्‍लेमी ठीक मिम्‍शा थमा सुइक्‍नीम।
18फेन्‍टे आप्‍शोनु, जिचा खेचा देक्‍ब। मिनु ठेयब मुर आन जिचा नाइक्‍‍पाइक्‍ब।
19थुं खाइक्‍पाइश्‍शो लोक्‍ब कली लेम्‍चा गारो हिरशो सहर ग्राचा क्‍येङा श्‍येत बाक्‍ब। मुर आन जितीक खेतीके बोल्‍यो खिं ङा आग्‍लो खोदेंशो बाक्‍ब।

Read हितोपदेस 18हितोपदेस 18
Compare हितोपदेस 18:7-19हितोपदेस 18:7-19