9मूर्खमी पाप आ पर्बम चढ़ेतीके कली शुक्शी पाइनीम। तन्न रिम्शो थुं पाइश्शो मुरुमी परमप्रभु आ दाक्शो तशा ग्येरब।
10थुं ङा श्येत थुंम ला तुइक्ब। मिनु थुं आ ग्येरसीशो थुंमी ला तुइक्ब। रोमी १२:१५
11परमप्रभु यावे आ अरेशो मटीब आ खिं प्रेत्चा पुंइसीब। तन्न रिम्शो थुं पाइश्शो मुर आन ताम्बु सोशो बोशो दुम्शा लाइब। हितोपदेस १२:७
12मुर आन कली आंम पशो लां ठीक तांइसीब हना यो, नोले मेको बेक्पाइक्ब लां बाक्ब।
13मुर आ कुल रिस्साक्व हना यो, आ थुं खाइश्शो बाक्ने चाप्ब। ग्येरसीशो थुं नोले सुर्ता पाइब बाक्ब।
14दूली पाइब आन दूली पशो ङा ताइनीम। मिनु रिम्शो पाइबमी आन रिम्शो पशो ङा ताइनीम।
15मारेइ मजोक्ब मुरुमी मारेइ मारेइ लोव़ थमा सुइक्ब। तन्न निप्स पाइश्शो मुरुमी आन पशो नेल्ल मिम्नीम।
16जोक्बपुकी होस पा मरिम्शो पतीक रे ङोन लाइनीम। तन्न मूर्ख मारेइ ममिम्थु, होस मपाइब।
17रीब पा गाइक्ब मुरुमी मूर्खे गेय पाइब। मिनु मुर आन कली दोपा श्येत गेङा, दे मिम्ब। मेको सुइम मदाक्चा पुंइसीब।
हितोपदेस 14
हितोपदेस 14:9-17