8हे़क्क्याङ् अब्राहाम्मिन् निङ्वाॽफुमाङ्ङिल्ले़ कुसेसे माङ्हुप्ले़न्मिक्सेःन् पोःङ्ल फाॽआङ् हर्दो हे़क्मा थिम् पिरुरो॥ हे़क्केःल्ले़ अब्राहामरे़ इसहाक्किन् सावाःन्दुआङ् ये़त्छि (८) ये़न्नो हर्दो हे़गु पिरु॥ हे़क्क्याङ् इसहाके़न् याकुबरे़ कुम्बारो॥ आनिॽग याकुबरे़ थिक्-ने़त् (१२) कुस्साःहाॽरे़ खुनिॽ मुॽइदाङ्सासिरो॥
9कुम्भुॽसिरे़ युसुफे़न् साॽरिक् नामे़हे़त्तुबाल्ले़ चोगुल्ले़ खे़ङ्हाॽरे़ खुने़ॽ मिस्रिहाॽरे़ खुनिॽ हुक्को मे़सङ्घुआङ्खुने़ॽ योःक्पा पोःक्खे़, कर निङ्वाॽफुमाङ्ङिन् खुने़ॽनु वये़,
10हे़क्क्याङ् खुने़ॽ कुदुक्खेवालाम् से़ःप्तुरो॥ हे़क्क्याङ् निङ्वाॽफुमाङ्ङिल्ले़ खुने़ॽ लुङ्माॽ तुक्तुआङ् सिक्कुम्दिङ् निङ्वाॽ पिरुबाल्ले़ चोगुल्ले़ फारो हाङ्ङिल्ले़ खुने़ॽ मिङ्सो इङ्धाःङ् पिरुर मिस्र लाजेॽ नु कुयाङ्साकुन्धे सम्दाङ् सुहाङ्युक्पा चोगुरो॥