2हक्चघत् खे़प्मो यम्बा सुरित् केजङ् के़हुबा कुइसिःक् इक्लाधिक् साङ्ग्राम्पेदाङ्लाम् ये़आङ् खे़ङ्हाॽ मे़यागे़बा हिम्मिन् सिदाक् थिम्सुरो॥
3हे़क्क्याङ् मिराःक्लाम्के़से़बा मिसाङ् हे़क्तङ्बा मिःन्के़रे़क्ले़ खुनिॽ थे़गेःक्को चुक्ते़बा खे़ङ्हाॽरे़ मे़निःसुरो॥
4हे़क्क्याङ् सेसेमाङ्ङिल्ले़ थुक्तुसिआङ् सेसेमाङ्ङिल्ले़ पिरुसिबा कुइसिःक् वेॽ वेॽ मे़ल्ले़स्सुम्बा पाःन्दाङ्ङो पाःप्मा मे़हेःक्ते़रो॥
5आल्ल यरुसले़म्मो इक्सादिङ् खाम्बेःक्मोबा काक् लाजेॽओनु के़दाःबाआङ् के़वाॽबा यहुदि साम्योबा मनाहाॽआङ् मे़वये़रो॥