13खे़प्मो ताक्कन्नु फे़न्साम् के़लःप्पा कुभा यहुदिहाॽआङ् मे़वये़॥ खे़ङ्हाॽरे़ दाङ्बा ये़सुरे़ कुमिङ्ङिन् ओगप् चोःक्मा तम्सिन् मे़जोगुर खे़ङ्हाॽरे़ फे़न्साम्मिन् अक्खे मे़मे़त्तु, “पावलरे़ इङ्भोःसुबा ये़सुरे़ कुमिङ्ङो लःन्दे़ पेगे़ॽ फाॽआङ् इङ्गाॽ इङ्जाःङ् पिने़रो॥”
14खे़प्मो स्केवास मे़प्मनाबा यहुदि तुम्निङ्वाॽफुसाम्बाल्ले़ नुसि कुस्साः ये़म्बित्छाॽहाॽरे़आङ् हे़क्तङ्बा याःम्बक् मे़जोगु॥
15हे़क्के मे़जोगुल्ले़ फे़न्साम्मिल्ले़ अक्खे मे़त्तुसि, “इङ्गाॽ पावले़न् कुसिङ् निःत्तुङ्, ये़सुःन् कुसिङ् निःत्तुङ्, कर खिनिॽग हाःत्निङ्बे?”
16खे़न् फे़न्साम्मिल्ले़ युक्तुबा मनाःन् पित्चाक् पिन्दे़र खे़ङ्हाॽ फत्तुसिर युक्तुसिआङ् खे़ल्ले़ खुनिॽ तेःत्हाॽ थे़ःक्खुबिरुसिर खाःन्दुसिआङ् खे़न् हिम्मोलाम् खे़ङ्हाॽ ले़क्चाबे़धिःक् मे़लःन्दे़आङ् मे़लोःक्ते़ मे़बेरो॥
सेःक्युक्मिबाहाॽ 19
सेःक्युक्मिबाहाॽ 19:13-16