49हे़क्क्याङ् नसानिबाहाॽरे़ दाङ्बाल्ले़ कुबाःन्जाक्किन् खे़न् थुम्मो काक् पिसाङ् मे़से़ःसुरो॥
50कर यहुदिहाॽरे़ ये़क्यामा साम्योमा मे़न्छुमाहाॽ नु खे़न् ये़क्यक्कोबा मिङ्सोदाङ्बा मनाहाॽ मे़हुसुसि मे़बक्सुसिरो॥ खे़ङ्हाॽरे़ पावल नु बरनाबासे़न् तुक्खे चाःप्मा मे़हेःक्तुसिआङ् खे़न् थुम्मोलाम् लाःक्कात् मे़नाःत्तु मे़देःसुसिरो॥
51हे़क्केःल्ले़ निङ्वाॽफुमाङ्ङिल्ले़ नाॽरुसिबान् ओसेःन्धाक्मासि फाॽआङ् सेःक्युक्मिबाहाॽरे़आङ् खुनिॽ लाङ्भोओबा खाम् हिःक्किन् खे़ङ्हाॽरे़ मे़धाप्सु मे़धःआङ् आइकोनियम ये़क्यक् ले़प्माङ् मे़धासिङ्लो॥
52बा खे़न् ये़म्मो एन्तिओक्समा हुॽसाम्बाहाॽआङ् सेसेमाङ्ङिन् नु ओमुलॽमाल्ले़ कुधिम् मे़बोःक्खे़रो॥