15हे़क्क्याङ् याम्मो इक्लाःन् त्ये़, “निङ्वाॽफुमाङ्ङिल्ले़ ताःक्तुबा कुजाहाॽ आप्फाल्ले़आङ् याप्मि के़जिःम्बा मे़लेःत्ते़न्ने़ॽओ॥”
16अक्खेलॽरिक् कन् सुम्ले़ङ् थारिक् पोःक्खे़, हे़क्क्याङ् खे़न् कुसुङ्मे़न् याङ्धो ताङ्साक्पो उःक्खे़ तेॽरे़रो॥
17हे़क्क्याङ् पत्रुसरे़ कन् सुफोःल्ले़ कुबेःन् थेइ फाॽआङ् निङ्वाॽ इःत्छिङ्ल पत्छे़ल्ले़ कर्नालियसरे़ पाङ्घुसिबा मनाहाॽ सिमोनरे़ कुहिम्मिन् मे़गोःत्तुर लाम्धेःप्पो मे़द्ये़रो॥
18हे़क्क्याङ् खे़ङ्हाॽरे़, सिमोन मे़प्मनाबा पत्रुसे़न् कप्मो वाॽबि होःप्पि फाॽआङ् सेःन्दोइ मे़ये़बे़रो॥