18मिनु हारूनमी मुर आन कली दुशा बाक्चा आ पर्बम चढ़ेतीके ब्यफ नु सांड क्योरतु। मिनु हारून आ तौपुकीम हुश चाक्शा, मेको कली गेम्तेक्म। मिनु मेकोमी चढ़ेतीक आ एर ओंथ ब्रुइक्ताक्व।
19मिनु ब्यफ नु सांड आस बोंसो, बोंसो पाइश्शो मीलु, गा क्यी गिल्शो बोंसो, चिच निम्फा नु आइदीम क्येप्शो बोंसो लाइक्तेक्म।
20मिनु ङोंइती कुथ्रु तार वोइक्तेक्म। नोले बोंसो चढ़ेतीकेम चोम्तेक्म।
21मिनु मोसाम अरेशो खोदेंशो पा हारूनमी कुथ्रु नु ग्युरा फिला चहिं परमप्रभु यावे आ ङोंइती क्युक्शा हिम्शा चढ़ेतीके चढ़ेप्तु। लेवी ७:३०-३४;
22मिनु हारूनमी आ गुइ मुर आन गे पोक्शा, आसीक गेम्तीमी। मोपा पाप आ पर्बम चढ़ेतीके, चोशा चढ़ेतीके नु दुशा बाक्चा आ पर्बम चढ़ेतीके चढ़ेशा, मेको उइ तोंइसाक्व।
23मिनु मोसा नु हारून ग्रुम्तीक ताम्बु आगा ओव़ताक्स। मिनु ग्रूशा मुर आन कली आसीक गेम्ताक्स। मिनु परमप्रभु यावे आ छेङछेङ मुर नेल्लेमी ताम्तेक्म। प्रस्थान १६:१०; प्रस्थान ४०:३४
लेवी 9
लेवी 9:18-23