13मिनु मोसामी हारून आ तौ आन कली चाक्पाइश्शा, आगा वा फेक्ताक्मी। मिनु किप्शुर किप्शा पियाम गुप्तीके गुप्ताक्मी। परमप्रभु यावेमी मोसा कली दोदेंशो पा अरेवा, मोदेंशो पा पाप्तु।
14मिनु नोले मोसामी पाप आ पर्बम चढ़ेतीक ब्यफ चाक्तु। मिनु हारून नु आ तौपुकीम मेको पाप आ पर्बम चढ़ेतीक ब्यफ आ पिया तारी आन गुइ वोइक्तेक्म। लेवी ४:१-१२
15मिनु मोसामी मेको ब्यफ कली साइक्तु। मिनु मेकोमी मेको इच्का हुश लाइश्शा आ ब्रेप्चोमी चढ़ेतीक एर ओंथ ङा ग्रोव़म ख्रेक्शा, चढ़ेतीक कली परमप्रभु यावे कली ला, चोव़खो सेल्तु। मिनु लीशो हुश चहिं चढ़ेतीक आ पुंम मोइक्तु। मोपा मेको चढ़ेतीक कली पाप क्याम्तीक गेय पचा, दे चोव़खो सेल्तु।
16मिनु मोसामी गा क्यी गिल्शो बोंसो नेल्ल, आइदी क्येप्शो बोंसो नु चिच निम्फा नु आ बोंसो चढ़ेतीकेम चोप्तु।
लेवी 8
लेवी 8:13-16