5मिनु मेको तेल लुक्शो चढ़ेबमी ब्यफ आ हुश इच्का हुइश्शा ग्रुम्तीक ताम्बुमी चाक्चा माल्नीम।
6मिनु चढ़ेबमी आ ब्रेप्चो हुशेम ख्रुम्शा, मेको हुश परमप्रभु यावे आ ताम्बु आ आगा ङा चोव़खो कोठा आ बारेशो वाम आ नेक्था परमप्रभु यावे आ ङोंइती ७ खेयप ब्रुइक्चा माल्ब। लेवी ९:९
7मिनु नोले चढ़ेबमी मेको हुश ग्रुम्तीक ताम्बु आ आगामी बाक्शो धूप चढ़ेतीके आ ग्रोव़पुकीमी ख्रेक्चा माल्ब। मेको ब्रोव़शो रिना पाइश्शो धूप परमप्रभु यावे आ ङोंइती चढ़ेतीके बाक्ब। मिनु लीशो हुश नेल्ले ग्रुम्तीक ताम्बु आ ओव़तीक ङा चोशा चढ़ेतीक आ पुंम मोइक्चा माल्ब। प्रस्थान ३०:१,६; प्रस्थान ४०:६
8मेकोमी पाप आ पर्बम चढ़ेशो ब्यफ आ बोंसो नेल्ल शोल्चा माल्ब। गा क्यी आ तार ङा नु मेको कली गिल्शो बोंसो,
9आ चिच निम्फा, मेको आ क्रातो तार ङा बोंसो नेल्ले नु आ आइदीम क्येप्शो बोंसो नेल्ल ग्रुंइचा माल्नीम।