17गो इन कली मरिम्शो पाइक्नुङ। गे इन जोरी सत्रु रे ब्रुइनीनी। इन जोरी सत्रु इन कली हुकुम पाइब दुम्नीम। मिनु सुइमी इन कली खेदा मपाम्तेक्म हना यो, गेपुकी प्रोक्नीनी।
18मेको नेल्ल तुइश्शा यो, आं कली मटीतीनी हना, गो इन पाप ७ खेयप तेम्शा सजाइ गेनन्नी।
19गो इन ठेयब लेश्शो खतम सेल्नुङ। मिनु गो इन सरीङ फलाम खोदेंशो नु इन रू तांबा खोदेंशो सेल्नुङ। ब्यवस्था ११:११:१७
20मिनु इन सक्ति मोशा दुम्शा मारेइ पने मचाप्नीनी। इन रूम मारेइ मवाब। मिनु इन रागी ङा रवापुकीम फल मसित्नीम।
21गेपुकी दूली लांम गाक्स ङा गाक्स पा, आं कली मटीतीनी हना, गो इन पाप ७ खेयप तेम्शा इन कली श्येत गेनन्नी