लेवी 26:1-5

¹मिनु लेंशा परमप्रभु यावेमी मोसा कली “गेपुकीमी इन कली मूर्तिपुकी मसेलीन। मिनु आंम कली मुशा मूर्ति नु पूजा पचा कली थाम मवोतीन। मिनु इन रागीमी मुशो फुल्‍लु मवोतीन। मेको कली पूजा पा आन ङोंइती मबपीन। मारदे हना गो परमप्रभु यावे, इन परमप्रभु नङ। प्रस्‍थान २०:४-५

²गेपुकीमी आं नाइक्‍तीक नाक्‍ती मानेन। मिनु आं बाक्‍तीक कली मान पने। गो परमप्रभु यावे नङ। लेवी १९:३०

³गेपुकीमी आं फुल्‍लुम मुशा ब्रेक्‍शो लोव़ टिशा पाइतीनी हना,

⁴गो रेउ यिची ना रेउ यिपाइक्‍नुङ। मिनु इन रूम शुश अन्‍न ग्रेल्‍नीम। मिनु रवाम शुश फल फुल सित्‍नीम।

⁵मिनु अङगुर सेक्‍ची ना सम्‍म इन अन्‍न तुप्‍नीनी। मिनु अङगुर सेक्‍ने मथुम्‍थु शोक्‍ची ना दुम्‍ब। मोपा गेपुकी नु शुश जचा तूचा बाक्‍ब। मिनु इन रागीम थुं नाइश्‍शा बाक्‍चा ताइनीनी। आमोस ९:१३