37गेपुकीमी मेको कली क्येट गेतीकेमी चाइक्ब मताक्कीन। मिनु मेको कली जचा थोव़क गेशा, मेको आ क्येङा शुश मलेप्पाइक्तीन।
38गो इन परमप्रभु दुम्चा नु इन कली कनान रागी गेचा, दे इन कली इजीप्त रागी रे ग्रुंइशा, एक चाक्ब, गो परमप्रभु यावे, इन परमप्रभु नङ।
39मिनु गे इन इस्राएली लोक्ब शुश प्रुङग दुम्शा, आंमा इन कली लेयसाक्म हना, मेको आन कली वाइल खोदेंशो पा गेय मपपतीन। प्रस्थान २१:२
40मिनु गेपुकीमी मेको कली थाप्शो गेय पाइब कि अर्को रागी ङा गेय पाइब खोदेंशो पा बाक्चा गेने। मिनु मेको प्रोंइतीक बर्स सम्म गेपुकी नु बाक्शा इन गेय पाइब दुम्ब।
41मिनु नोले मेकोपुकी नु आन तमी तौ गे इन बाक्तीक रे लशा, आन खिं ङा मुर नु आन बाक्तीक लेम्मल।