20मिनु वोंइश मुर कामी वाइलीम दुम्शो मीश आल नु इप्त हना, मेको मीश आल चहिं अरु वोंइश मुर कली गेचा चिक्शो बाक्त हना, तन्न मग्याप्थु, मप्रोंइथु बाक्त हना, मेको वोंइश मुर कली खोदील निदील पचा माल्नीम। मेको आस कली साइक्चा मदुम्ब। मारदे हना मेको मीश आल मप्रोंइशो बाक्त। प्रस्थान २१:७-११
21तन्न मेको वोंइश मुरुमी परमप्रभु यावे आ ङोंइती ग्रुम्तीक ताम्बु आ ओव़तीकेम आ दोस आ पर्बम सांड का चढ़ेचा माल्ब।
22मिनु चढ़ेबमी मेको आ दोस आ पर्बम सांड चढ़ेशा परमप्रभु यावे आ ङोंइती पाप क्याम्तीक गेय पचा माल्ब। मोपा मेको आ पाप क्याम्सीशा माफ ताइब दुम्ब। लेवी ५:१७-१८
23मिनु गेपुकी मेको रागी जाक्दीश्शा, तेकोइ जचा दुम्ब फल फुल रवा ख्रुम्नीनु, बर्स सां सम्म मेको आन फल मजने।
24मिनु ४ बर्सम चहिं फल फुल नेल्ले परमप्रभु यावे कली ग्येरशो गेचा माल्नीनी। परमप्रभु यावे कली ठेयब मान पचा कली बाक्ब।
25तन्न ५ बर्सम गेपुकीम मेको फल फुल जने चाप्नीनी। मिनु मेको रवा इन कली शुश सिप्ब दुम्नीम। गो परमप्रभु यावे, इन परमप्रभु नङ।