19मिनु इच्का हुश लाइश्शा, आ ब्रेप्चोम ७ खेयप मेको चढ़ेतीक तार ब्रुइक्चा माल्ब। मोपा मेको चढ़ेतीके इस्राएली आन ग्रांग्रा दिशो रे चोव़खो सेल्चा माल्ब।
20मिनु हारूनमी चोव़खो कोठा, ग्रुम्तीक ताम्बु नु चढ़ेतीके आ पर्बम पाप क्याम्तीक गेय पवा नोले, मेको सेस बोका चाक्चा माल्ब।
21मिनु नोले हारूनम आ गुइ निम्फा मेको सेस बोका आ पिया तार वोइक्चा माल्ब। मिनु इस्राएली आन मरिम्शो पशो नेल्ल नु आन पशो पाप नेल्ल शोव़शा, मोपा नेल्ल पाप बोका आ पियाम वोइक्चा माल्ब। मिनु नोले मुर काम मेको बोका कली गोरशो रागीम चोक्चा माल्ब।
22मोपा मेको बोकाम मेको आन मरिम्शो पशो कुरशा, सुइ मबाक्शो गोरशो रागीम लाइक्चा माल्ब। मेको मुरुम मेको बोका कली गोरशो रागीम प्रोंइचा माल्ब।