40मिनु मेकेर जाक्दीम्मानु, येसुमी आ शेंसीब आन कली “थुं थाम्चा पुंइसीनीनु, पाप मपय, दे प्रार्थना पने” दे माइक्मी बाक्त।
41मिनु आन बाक्तीक आ ता एरे लशा, पोक्च थेक्शा
42“आं आफ, इन दाक्शो बाक्त हना, एको कचौरा आं कली मतूपाइक्थु लतीने। तन्न आं पुंइशो मदुम्ल, इन दाक्शो दुम्ल” दे पुना बाक्त। मत्ती ६:१०
43मिनु परमप्रभु यावे आ स्वर्ग ङा गेय पाइब का ग्रूशा, येसु कली बोल गेवा बाक्त।
44मिनु लेंशा आ थुं खाइश्शा पुना बाक्त। आ थुं खाइश्शा पुनानु, आ पस्ना हुश खोदेंशो दुम्शा खपीम दोक्माक्त।
45मिनु लेश्शा शेंसीब आन बाक्तीकेम जाक्मेनु, मेको आन कली यो आन थुं खाइश्शा इप्शा बाक्शो थिम्मी बाक्त।
46मिनु “मारदे इम्नी? बोक्कीन, थुं थाम्चा पुंइसीनीनु, पाप मपय, दे प्रार्थना पने” दे पोक्मी बाक्त।
47मिनु शुश मुर फो फु ग्रूमा बाक्त। मेको आन कली येसु आ शेंसीब यहूदामी लां कोंइशा चाक्शो बाक्माक्त। मिनु जाक्शा, यहूदामी येसु कली पुक्पु पचा कली आ ङोंइती जाक्माक्त।
48तन्न येसुमी “यहूदा, गे रागीम जरमेशो कली वारच दुम्खु पा पुक्पु पा ग्याइक्पाइक्नेवे?” देंमाक्त।
49मिनु शेंसीबपुकीमी “ग्याइक्थ जाक्मा बाक्त” दे तुइश्शा “प्रभु, एको आन कली तरवारम क्योरशा खेदा पचा?” देंमानु
50कामी तरवार ग्रि शोइश्शा, ठेयब चढ़ेब आ गेय पाइब आ ग्युरा नोफा ख्रोदा बाक्त।
51येसुमी मेको ख्रोइश्शो तशा “दुम्त मपने” दे नोफा सेस सेला बाक्त।
52मिनु येसुमी मेकेर जाक्शो ठेयब चढ़ेब, परमप्रभु यावे आ खिं ङा ठेयब मुर नु जोक्ब तुइक्ब खाल्पा आन कली “तरवार कोक्के कुरशा, खुइ पाइब कली ग्याइक्थ जाक्शो खोदेंशो पा आं कली ग्याइक्थ जाक्नी?
53नाक्त किंत किंत परमप्रभु यावे आ खिंमी गेपुकी नु काथा बाक्ङानु, मग्याइक्तीनी। मुल चहिं छिङछिङ ङा सक्ति नु इन पालो जाक्त” दे माइक्मी बाक्त। यूहन्ना ७:३०; यूहन्ना ८:२०
54मिनु येसु कली ग्याइश्शा लाइश्शा, नेल्ल क्येङा ठेयब चढ़ेब आ खिंमी ओंइदमे बाक्त। पत्रुस यो ङोन रे कोव़ना कोव़न लमाक्त।
लूका 22
लूका 22:40-54