30निनवे शहरला म्हिगदेला लागिरी योना चिनु तबा ह्रङ्नोन परमेश्वरसे पुइखबा म्हि दान्देला म्हिगदेला लागिरी चिनु हिन्ना।
31निसाफ लबा धुइरी ल्होग्याम खबा ग्लेस्यासे दान्देला म्हिगदेला दोष उन्ना, तिग्दा भिसम थे सोलोमन ग्लेला ज्ञान बुद्धिला ताम ङ्यान्बारी ल्हानान थारेङग्याम खबा मुबा। तर च्यागो, चुरी सोलोमन ग्ले भन्दा घ्रेन म्हि मुसैनोन थेला ताम आङ्यान्नी।
32निसाफ लबा धुइरी निनवे शहरला म्हिगदे रेःसी दान्देला म्हिगदेला दोष उन्ना। तिग्दा भिसम योना अगमवक्तासे पाङ्बा ताम ङ्यान्सी थेनीगदेसे ह्राङ ह्राङला पाप ख्लासी परमेश्वरपट्टि दोःबा मुबा। तर च्यागो, चुरी योना अगमवक्ता भन्दा घ्रेन म्हि गिक मुला।
33“खालैसे नाङसल म्रासी फामसे घप्सी आथान, ओच्छे छुम्सीनोन आथान। बरु दिम न्हङरी खबा म्हिगदेदा य्हाल तगै भिसी नोबा ग्लारी थान्ना।
34एला मी एला ल्हुइला लागिरी नाङसल ह्रङ्बान हिन्ना। एला मी ज्यबा मुसम एसे ज्यना लसी म्राङ्ला। तर एला मी ज्यबा आरेसम एसे तिगै म्राङ्बारी आखम ओच्छे ए धोपधोपरी भ्रतोःला।
35थेतबासेलमा ए होशियार तउ, तिग्दा भिसम एला ल्हुइरी मुबा नाङसल सिसी धोपधोप थातगै।
लूका 11
लूका 11:30-35