8गो येसु ख्रीस्त नु बेक्तय हना, मेको नुन ब्रोंइनय, दे थमा सुइक्नय।
9मारदे हना येसु यो बेक्शो रे सेंसीशा, मुल गेनायो मबेक्चा ङा पा ब्रोंइत। मुल मेको गेनायो मबेक्ब।
10पाप क्याम्चा कली काले बेक्त। नोले सेंसीशा, मुल परमप्रभु यावे नु ब्रोंइशो बाक्ब। हिब्रू ९:२६-२८
11मोपतीके गेपुकीमी यो आंम कली पाप आ पर्बम बेक्शो नु ख्रीस्त येसु आ पतीकेमी परमप्रभु यावे कली ब्रोंइनय, दे मिम्तीन। २कोरिन्थी ५:१५; १पत्रुस २:२४
12इन बेक्शा लाइब रां कली पापम हुकुम पचा मगेने। उत्पत्ती ४:७
13इन गुइ खोइली, मिक्च, शोव़, रां नेल्ल कली मरिम्शो मपपतीन। तन्न बेक्शो रे सेंसीशो मुर खोदेंशो पा, परमप्रभु यावे कली जिम्मा गेंसीशा, आ रिम्शो गेय पने। रोमी १२:१
14पापमी इन कली मारेइ पपाइक्ने मचाप्ब, मारदे हना परमप्रभु यावे आ अरेशो लोव़मी इन कली दोसी मसेल्थु, परमप्रभु यावेमी शिशी पाइक्चा पुंइसाक्नी। रोमी ७:४-६; १यूहन्ना ३:६; रोमी ५:१७,२१
15परमप्रभु यावे आ अरेशो लोव़मी इं कली दोसी मसेल्थु, परमप्रभु यावे आ शिशी ताइतय हना, पाप पचा दुम्ब, दे मिम्चा ङा? मोदेंशो मिम्चा मदुम्ब।