16मिनु परमप्रभु यावे आ निसाफ पची नाक्त मुर आन ख्रुइश्शा पशो कली निसाफ पाइब। आं शेंशो ग्येरपाइक्तीक लोव़ परमप्रभु यावेमी येसु ख्रीस्त आ पतीकेमी निसाफ पाइब। लूका ८:१७
17मिनु गे “गो यहूदी ठेयब जात नकी। परमप्रभु यावे आ अरेशो ताइतक, आ योव़शो मुर नकी” दे मिम्नीनी।
18परमप्रभु यावे आ दाक्शो तुइक्नीनी, मार पचा दुम्बा, मार पचा मदुम्बा तुइक्नीनी। मारदे हना गे अरेशो लोव़ शेंसीशो बाक्नीनी,
19इन थुंमी “गो जोक्ब नङ, गो मिक्च मताइब आन कली लां कोंइब नङ। छिङछिङम बाक्ब आन कली बत्ती दाब नङ। मत्ती १५:१४
20हेंथे गाक्ब आन कली रिम्शो लां कोंइब नङ। मशेंसीशो आन कली शेंब नङ, गो अरेशो लोव़ जोक्ब तुइक्ब बाक्नुङ” दे मिम्नीनी।