3एलीयामी परमप्रभु यावे कली “परमप्रभु यावे, इन लोव़ पाइब आन कली साइक्तेक्म। इन कली चढ़ेतीक नेल्ल प्रेश्शा गेम्तेक्म। इन नोले खोइक्ब गो का ला लीती। आं कली यो साइक्चा कली माल्शा गाक्नीम” दे ब्रेक्शो बाक्त। १राजा १९:१०
4परमप्रभु यावेमी एलीया कली मार लोव़ लेत्ता बाक्त देंशा हना “आं नोले खोइक्ब, ७ हजार मुर योव़तामी। मेकोपुकीमी बाल देवता आ ङोंइती आन पोक्च मथेक्नीम” दे लोव़ लेश्शो ममाइ ङा? १राजा १९:१८
5मुल यो परमप्रभु यावेमी शिशी पा योव़शो का निक्शी लीशो बाक्नीम। रोमी ९:२७
6मेको आन पशोमी ममाइ, परमप्रभु यावेमी मोशा शिशी पा आ मुर सेल्तीमी। आन गेय आ पर्बम पशो हना, शिशी मली वा।
7मिनु मार देंचा ङा? इस्राएलम माल्शा यो आ माल्शो मथित्थु, परमप्रभु यावे आ योव़शो का निक्शी ला ठीक दुम्तेक्म। अरु नेल्ल परमप्रभु यावे आ लोव़ मटीब दुम्तेक्म। रोमी ९:३१
8मेको आन पर्बम यसैयामी “परमप्रभु यावेमी मेको आन कली मरुप्ब थुं गेप्तु। मेकोपुकी मिक्च मताइब नु नोफा मनेंब दुम्शा बाक्शो बाक्नीम। मुल सम्म मोदेंशो दुम्शा बाक्नीम” दे ब्रेक्शो बाक्त। यसैया २९:१०; ब्यवस्था २९:४
9दाऊदमी “मेको आन भोज आन कली ग्याइली खोदेंशो दुम्ल। मेको आन कली बेक्तीक नु क्येक्क लेत्तीक दुम्ल।
10मेको मिक्च मताइब दुम्मल। मिनु वाइलीम वाइल खोदेंशो दुम्शा, श्येत जामेक्ल” दे ब्रेक्शो बाक्त। भजन संग्रह ६९:२१-२३
11मिनु मुल मार देंनुङा? मेकोपुकी गेनायो मबोक्चा ङा पा राम्समा ङा? ममाइ। इस्राएली आन मरिम्शो पतीके अर्को रागी ङा मुरपुकीम शिशी तशो बाक्नीम। मेकोपुकीम रुश पामेक्ल, दे मोदेंशो दुम्शो बाक्ब। प्रेरित १३:४६; रोमी १०:१९
12तन्न इस्राएली आन राम्सीतीके रागी नेल्ल आन कली रिम्शो नु अर्को रागी ङा मुर आन कली शोंप दुम्त हना, मेको नेल्लेम थमा सुदेम हना, चिनु गिश रिम्शो दुम वा।
13मिनु गो अर्को रागी ङा मुर, इन कली “गो अर्को रागी ङा मुर आन कली लोव़ शेंथ सोइक्चा पुंइसाक्यी। एको शेंतीक गेय शुश रिम्शो लाक्ती।
14मारदे हना अर्को रागी ङा मुर आन कली थमा सुइश्शो तशा, आं जात ङा मुर का निक्शीमी यो रुश पा थमा सुइक्नीमी कों, दे आस पा बाक्ती।” १कोरिन्थी ९:२०-२२; १तिमोथी ४:१६
15परमप्रभु यावेमी मुल इस्राएली आन कली मकोव़थु, अर्को रागी ङा मुर आन कली शिशी पा ब्रशा, नोले यहूदी आन कली यो ब्रवानु, शुश रिम्शो मदुम्बा ङा? एको दा बेक्शो रे सेंसीशो खोदेंशो ठेयब दुम्ब।
16निशो फस रे ङोंइती ङा शोब्ले परमप्रभु यावे के दुम्त हना, नेल्ल निशो फस रिम्शो दुम्ब। शाक्श रिम्शो बाक्त हना, राशी नेल्ल यो रिम्शो दुम्नीम। गन्ती १५:२०
17रिम्शो तेल रवा खोदेंशो इस्राएल रे राशी का निक्शी क्योरशा ग्रुंइशो बाक्तेक्म हना, गे रागी रागी ङा मुर ब्वाकी ङा तेल रवा खोदेंशो पा, मेको रवामी इन राशी क्येप्चा पुंइसाक्नी हना, गे मेको रवा आ शाक्श रे ताइनीनी। मेको मप्रेंदीन। एफिसी २:११-१४
18मो हना यो क्योरशा ताइश्शो राशी, दे मेको आन कली “गो इन क्येङा ठेयब दुम्तक” दे ठेयब लेश्शो लोव़ मपने। मारदे हना गेपुकी यो राशीन ननी। राशीमी शाक्श कली मतिक्ब। शाक्शम राशी कली तिक्ब, दे तुइक्तीने। यूहन्ना ४:२२
19गेपुकीमी “मेको क्योरशा ताइश्शो राशी आ पा ङा गो दुम्तय” देंतीनी।
20इन देंशो ठीक बाक्ब। मेकोपुकीमी थमा मसुदेम। मिनु परमप्रभु यावेमी मेको आन कली क्योरशा ताइक्ताक्व। इन थमा सुइश्शो तशा इन कली चहिं रिम्शो फल रवाम केप्शो खोदेंशो पा आ मुर सेल्तु। काइ ठेयब मलेत्थु, परमप्रभु यावे कली मान पा हिंशा बाक्कीन। १कोरिन्थी १०:१२
21परमप्रभु यावेमी ङोंइती ङा राशी आन कली क्योरशा ताइक्ताक्व हना, मार, गे नोले केप्शो राशी इन कली मताइक्बा ङा?
22परमप्रभु यावेमी दोदेंशो शिशी पाइबा, दोदेंशो सजाइ गेबा, दे रुपीन। साइ ङोंइती रे ङा आ लोव़ थमा मसुइक्थु मटीब आन कली ख्रोइश्शा ताइक्ताक्व। आ लोव़ मटिथु, थमा सुइक्चा प्रोंइतीनी हना, इन कली यो ख्रोइश्शा ताइक्ब, दे तुइक्तीन। गे परमप्रभु यावे कली दाक्शा, थमा सुइक्चा मप्रोंइतीनी हना ला, इन कली यो दाक्चा मप्रोंइब। यूहन्ना १५:२-४; हिब्रू ३:१४
23मेको क्योरशा ताइश्शो राशी खोदेंशो दुम्शो यहूदीपुकीमी आन थुं परमप्रभु यावे गे लेश्शा, थमा सुइक्तेक्म हना, रिम्शो फल रवाम लेंशा केप्शो खोदेंशो पा आ मुर सेल्ने चाप्ब।
24ङोंइती क्योरशा ताइश्शो राशी बोइक्चा कली श्येत मदुम्ब। तन्न अर्को ब्वाकी ङा तेल रवा आ राशी माल्शा चाक्शा, केप्चा कली शुश श्येत बाक्ब। परमप्रभु यावेमी इन कली केप्ताक्व। मिनु इन कली केप्चा क्येङा यहूदी आन कली केप्चा श्येत मबाक्ब।
25आं लोक्बपुकी, आं शेंशो ख्रुइश्शो लोव़ रिम्शो पा रुप्तीनी हना, गे ठेयब मलेत्नीनी। योव़सीचा पुंइसीशो अर्को रागी ङा मुर आन कली आ मुर सेल्ने मथुमा सम्म परमप्रभु यावेमी इस्राएली आन कली येसु ख्रीस्त आ पर्बम मरुप्ब सेल्तीमी। यूहन्ना १०:१६
26योव़सीचा पुंइसीशो अर्को रागी ङा मुरपुकीमी थमा सुदमे ङा मेरे इस्राएली नेल्लेमी रुप्शा, थमा सुइश्शा, ब्रोंइचा ताइनीम। “सियोनमी पाप रे प्रोंइब का ग्रूब। मेकोमी याकूब कली आ मरिम्शो पतीके रे प्रोंइब। मत्ती २९:३९; भजन संग्रह १४:७
27मेको आन पाप क्याम्नुङ। मिनु मेको आन कली गेशो कबल खाप्नुङ” दे ब्रेक्शो बाक्ब। यसैया ५९:२०, येरमीया ३१:३३
28मुल सम्म इस्राएलीपुकीमी ख्रीस्त परमप्रभु यावे आ सोइश्शो पाप रे प्रोंइब बाक्ब, दे थमा मसुइक्नीम। मोपतीके परमप्रभु यावे आ जोरी सत्रु दुम्तेक्म। आन थमा मसुइश्शोमी इन कली चहिं रिम्शो दुम्त। परमप्रभु यावेमी आन किकी पिपी आन पर्बम मेको आन कली योव़शा, दाक्ब।
29परमप्रभु यावेमी गेशो नु आ योव़तीक गेनायो मजाम्ब। गन्ती २९:१३
30गेपुकीमी यो परमप्रभु यावे आ लोव़ मटिनी। यहूदीपुकीम मटितीके परमप्रभु यावेमी इन कली शिशी पा थमा सुइक्चा गेप्तु। मिनु मुल गे परमप्रभु यावे आ शिशी ताइब दुम्तीनी।
31यहूदीपुकीमी मुल सम्म परमप्रभु यावे आ लोव़ मटीमे। नोले परमप्रभु यावेमी मेको आन कली यो शिशी पाइब।
32मारदे हना परमप्रभु यावेमी इस्राएली नु अर्को रागी ङा मुर नेल्ल आन कली आ लोव़ मटिशो तशा, खाल का ङा पा वोइक्तीमी। मिनु नोले नेल्ल आन कली शिशी पाइब। गलाती ३:२२; १तिमोथी २:४
33परमप्रभु यावेमी नेल्ल तुइक्ब। परमप्रभु यावे सक्ति पाइश्शो नेल्ल क्येङा ठेयब बाक्ब। मुरपुकीमी परमप्रभु यावे आ निसाफ पशो, मुर आन कली पाइश्शो, सुइमी रुम्ने मचाप्नीम। यसैया ४५:१५; यसैया ५५:८-९
34मिनु “सुमी प्रभु आ थुं तुइक्ने चाप्नीमी ङा? सुमी मेको कली अर्ती गेने चाप्नीमी ङा?” दे ब्रेक्शो बाक्ब। १कोरिन्थी २:१६; येरमीया २३:१८; यसैया ४०:१३
रोमी 11
रोमी 11:3-34