26जमाहेन्से थेनीगदेसे थेदा “थे म्हिसे एदा तिग लजी? खाह्रङ् लसी थे म्हिसे एला मी खम्ना लजी?” भिसी ङ्योइजी।
27थेसे थेनीगदेदा “ङाइ ह्राङनीदा दोलोन पाङ्सी जिन्जी, तर ह्राङनीसे वास्तान आलनी दान्दे दोःसी तिग्दा ङ्योइबा, तिग ह्राङनीएनोन थेला चेला दोबारी म्हाइबा हिन्ना?” भिसी जोहाब पिन्जी।
28थेनीगदेसे थेदा खिसी लबान चुह्रङ् भिजी, “ए गा थेला चेला हिन्ना, ङनी मी मोशाला चेला हिन्ना।
29मोशादेन छ्याम परमेश्वरसे ताम लबा ङन्दा था मुला, तर चु म्हि चा खानङग्याम खजी थे ताम ङन्दाएनोन था आरे।”
30जमाहेन्से थेसे थेनीगदेदा चुह्रङ् भिसी भिजी, “चु खाह्रङ्बा उदेकला ताम! येशूसे ङाला मी खम्ना लजी। तर ह्राङनीसे चा येशू खानङग्याम फेप्खजी भिबा ताम ङन्दा था आरे।