1थेग्याम फेप्बान लमा येशूसे न्हमान मी आम्राङ्बा म्हि गिकदा स्याप्जी।
2येशूला चेलागदेसे येशूदा “गुरु, खाल्ला पापसे लमा चु म्हि न्हमान काना न्हजी, चुलान पापसे लमा कि चुला आबा आमाला पापसे लमा चुह्रङ् तबा हिन्ना?” भिसी ङ्योइजी।
3जमाहेन्से येशूसे थेनीगदेदा चुह्रङ् भिसी सुङ्जी, “थेला पापसे लमाएनोन आहिन, थेला आबा आमाला पापसे लमाएनोन आहिन। तर परमेश्वरला गे थेग्याम म्राङ्गै भिसीन थे काना तबा हिन्ना।
4धिनी मुबा धुइरीन य्हाङसे ङादा पुइखबाला गे लतोःला। धोप तमाहेन्से खालैसेन गे लबारी आखम।