6तर येशूदा दोष लम्याङ्ला कि भिसी थेनीगदेसे चुह्रङ् भिसी ङ्योइबा मुबा। येशूसे कू तसी या जुम्बीसे सरी भ्रिबारी छ्याइजी।
7थेनीगदेसे येशूदा ङ्योइबाला ङ्योइबान लमाहेन्से येशू राप्सी थेनीगदेदा “जुन म्हिसे खाइमै पाप लबा आरे थेसे ङाच्छा चु म्रिङम्हेमेदा युङबासे तोउ” भिसी सुङ्जी।
8जमाहेन्से येशूसे दोःसी कू तसी सरी भ्रिजी।
9चु ताम थेःसी थेरी मुबा जम्मान म्हिगदे घ्रेनहेन्से जजाधोना गिक गिक लसी थेग्याम निजी। ओच्छे थेरी येशूदेन छ्याम थे म्रिङम्हेमे जे तजी। थे म्रिङम्हेमे चा अझ येशूला ङाच्छापट्टि राप्सी चिबा मुबा।
10जमाहेन्से येशू राप्सी थे म्रिङम्हेमेदा चुह्रङ् भिसी सुङ्जी, “खाइ, एदा दोष लबा म्हिगदे खानङ निजी? तिग थेनीगदे खालैसेन एदा सजाय आपिन्नी?”
11जमाहेन्से थे म्रिङम्हेमेसे येशूदा “प्रभु, खालैसेन तिगै आलनी” भिसी भिमा, येशूसे थेदा “ङाइएनोन एदा सजाय आपिन, दाहेन्से निउ, तर दोःसी पाप थालउ” भिसी सुङ्जी।
12दोःसीनोन येशूसे म्हिगदेदा लोप्बान, “जम्बुलिङला य्हाल ङानोन हिन्ना। ङादेन छ्याम भ्रबा म्हि खाइमै धोपधोपरी भ्रआतोः। तिग्दा भिसम थेसे जुनी पिन्बा य्हाल याङ्ला” भिसी सुङ्जी।