44इन आफ सैतान बाक्ब। मिनु गे इन आफ आ दाक्शो पचा दाक्नीनी। मेको चहिं ङोंइती रे मुर आन कली साइक्ब नु जोल पाइब बाक्त। मारदे हना मेको नु थमा देंशो बाक्सीन मबा। मोपतीके जोल ला पाइब। मेको जोल पना पन बाक्ब। जोल आ आफ बाक्त। १यूहन्ना ३८-१०; उत्पत्ती ३:४,१९
45गे आं कली थमा मसुइक्नीनी। मारदे हना गो थमा लोव़ पाइनुङ।
46गेपुकीमी आं कली ‘गे मरिम्शो पाइब नवे’ दे दोसी सेल्ने चाप्नीनी ङा? गो थमा लोव़ पाता हना, मारदे आं कली थमा मसुइक्नीनी? २कोरिन्थी ५:२१; १पत्रुस २:२२; १यूहन्ना ३:५; हिब्रू ४:१५
47सु चहिं परमप्रभु यावे रे जाक्बा, मेको परमप्रभु यावे आ लोव़ नेंब। गेपुकी परमप्रभु यावे रे मजाक्नी। मोपतीके परमप्रभु यावे आ लोव़ नेंने मचाप्नीनी” दे माइक्तीमी। यूहन्ना १८:३७
48मिनु यहूदीपुकीमी “गे सामरीया ङा बाक्ते। गे वोलमी सुम्शो बाक्ते, दे थमा लोव़ मपका ङा?” देंतेक्म। यूहन्ना ७:२०