17चुदे खालै म्हिसे परमेश्वरसे म्हन्बा अन्छार लबारी म्हाइजी भिसम थेसे जे ङाइ लोप्बा ताम परमेश्वरग्याम हिन्ना कि ङालान सेमला ताम लोप्बा हिन्ना भिसी था याङ्ला।
18जुन म्हिसे ह्राङलान ताम पाङ्ला थेसे ह्राङदान मान लगै भिसी म्हन्मुला। तर ह्राङदा पुइखबादा मान लगै भिसी म्हन्बा म्हिसे चा सत्य ताम पाङ्मुला, थेसे तिगै लुसीला ताम आलमुला।
19मोशासे एनीगदेदा ठिम पिन्बा मुला, तसैनोन एनीगदेसे मोशासे पिन्बा ठिम अन्छार गे आलनी। एनीगदेसे ङादा तिग्दा साइबारी म्हाइबा?”
20थेरी मुबा म्हिला हुलसे येशूदा “एदा म्हङसे स्याप्जीम, खाइ एदा खाल्से साइबारी म्हाइबा मुला?” भिसी भिजी।
21जमाहेन्से येशूसे थेनीगदेदा चुह्रङ् भिसी सुङ्जी, “ङाइ गे गिक लमा एनीगदे तिग्दा उदेक म्हन्बा?
22च्यागो, खतना लउ भिसी एनीगदेदा मोशासे ठिम स्होसी पिन्बा मुला। हिन्बाम थे ठिम मोशासे स्होबा आहिन, एनीगदेला आखे म्हेमेसेन स्होबा हिन्ना। थेतबासेलमा एनीगदेसे ब्लप्बा न्हबा धिनकुनुएनोन ह्राङला झागदेला खतना लमुला।
यूहन्ना 7
यूहन्ना 7:17-22