16जमाहेन्से येशूसे थेनीगदेदा चुह्रङ् भिसी जोहाब पिन्जी, “ङाइ ङाला ताम लोप्बा आहिन, तर ङादा पुइखबा परमेश्वरला ताम लोप्बा हिन्ना।
17चुदे खालै म्हिसे परमेश्वरसे म्हन्बा अन्छार लबारी म्हाइजी भिसम थेसे जे ङाइ लोप्बा ताम परमेश्वरग्याम हिन्ना कि ङालान सेमला ताम लोप्बा हिन्ना भिसी था याङ्ला।
18जुन म्हिसे ह्राङलान ताम पाङ्ला थेसे ह्राङदान मान लगै भिसी म्हन्मुला। तर ह्राङदा पुइखबादा मान लगै भिसी म्हन्बा म्हिसे चा सत्य ताम पाङ्मुला, थेसे तिगै लुसीला ताम आलमुला।
19मोशासे एनीगदेदा ठिम पिन्बा मुला, तसैनोन एनीगदेसे मोशासे पिन्बा ठिम अन्छार गे आलनी। एनीगदेसे ङादा तिग्दा साइबारी म्हाइबा?”
20थेरी मुबा म्हिला हुलसे येशूदा “एदा म्हङसे स्याप्जीम, खाइ एदा खाल्से साइबारी म्हाइबा मुला?” भिसी भिजी।
यूहन्ना 7
यूहन्ना 7:16-20