36गेपुकीमी चहिं आं कली तशो बाक्तीनी हना यो, थमा मसुइक्नीनी।
37मिनु आं आफोमी आं कली गेशो मुरपुकी आं गे पीनीम। आं गे पीब आन कली गेनायो मतिल्नुङमी। मत्ती ११:२८
38मारदे हना गो आं दाक्शो गेय पथ ममाइ, तन्न आं कली सोइक्ब आ दाक्शो गेय पचा कली स्वर्ग रे जाक्शो नङ। यूहन्ना ४:३४
39मिनु आं कली सोइक्ब आ दाक्शो मार बाक्ब देंशा हना, आं कली गेशो मुर का यो मसाम्चा, नु नोले ङा नाक्तीमी मेको आन कली सेंपाइक्चा बाक्ब। यूहन्ना १०:२८-२९; यूहन्ना १७:१२
40मिनु सु सुमी परमप्रभु यावे आ तौ, दे आं कली तुइक्नीमी नु थमा सुइक्नीम। मेको आन कली नोले ङा नाक्तीमी सेंपाइश्शा, गेना हना यो ब्रोंइशा बाक्चा गेनुङमी। आं आफ आ दाक्शो गेय मेकोन बाक्त” दे यहूदी आन कली शेंताक्व। यूहन्ना ५:२९; यूहन्ना ११:२४
41मिनु यहूदीपुकीमी येसु आ लोव़ नेंशा गन गन पाम्तेक्म। मारदे हना येसुमी “गो स्वर्ग रे यिशो शोब्ले नङ” देंशो बाक्त।