32येशूसे थेनीगदेदा चुह्रङ् भिसी सुङ्जी, “च्यागो, एनीगदेसे ङाला ताम ङ्यान्गो, एनीगदेदा स्वर्गग्याम गेङ पिन्बा मोशा आहिन। तर स्वर्गग्याम सत्य गेङ पिन्बा चा ङाला आबा हिन्ना।
33तिग्दा भिसम परमेश्वरसे पिन्बा गेङ चा चुनोन हिन्ना, थे स्वर्गग्याम खसी जम्बुलिङला म्हिगदेदा जुनी पिन्मुला!”
34थेनीगदेसे येशूदा “प्रभु, चु गेङ ङन्दा सदन पिन्गो” भिसी भिजी।
35जमाहेन्से येशूसे थेनीगदेदा चुह्रङ् भिसी सुङ्जी, “जुकजुकधोनाला जुनी पिन्बा गेङ चा ङानोन हिन्ना। ङा मुबा ग्लारी खबागदे खाइमै आख्रेन, ओच्छे ङादा विश्वास लबागदेदा खाइमै क्युइ आफुइ।