37मारदे हना ‘का निक्शीमी शोक्नीम, का निक्शीमी रुप्नीम’ देंशो लोव़ थमा बाक्ब, दे तुंइसीब।
38मिनु गो इन कली इन मशोक्शो रुप्थ सोइक्नन्नी। अर्कोमी शोक्तीक गेय पाम्तेक्म। गे चहिं मेको आन शोक्शो रुप्नीनी” देंत।
39मेको मीश मुरुमी सामरीया ङा सीकार सहर ङा मुर आन कली “आं पशो गेय नेल्ल माइक्ती” देंशो नेंशा, सामरीया ङा मुर शुशेमी “मेकोन परमप्रभु यावे आ सोइश्शो ख्रीस्त बाक्त” दे थमा सुदमे बाक्त।
40मिनु सामरीया ङा मुरपुकीमी येसु आ बाक्तीक जाक्शा “गो नु काथा बाक्कीन” दे पुंइतेक्म। मोपतीके येसु नाक्त निक्शी सम्म मेको नु बाक्त।
41मिनु येसु आ शेंतीक लोव़ नेंशा, ङोंइती क्येङा शुश मुरपुकीमी थमा सुइक्तेक्म।
42मेकोपुकीमी मीश मुर कली “इ देंतीक गो थमा मसुइक्नीकी। तन्न आ शेंशो आंमा नेंतक। रागी ङा मुर आन कली पाप रे प्रोंइब एकोन बाक्त, दे रुप्शा तुइक्ताक्क” देंतेक्म। प्रेरित ८:५-८
43मिनु नाक्त निक्शी बाक्शा, येसु मेकेर रे गालील रागी गे लत। मत्ती ४:१२
44येसुमी “आंम रागी ङा मुरपुकीमी परमप्रभु यावे आ लोव़ पाइब कली काइ महिक्नीम” देंत। मत्ती १३:५७