Text copied!
CopyCompare
परमप्रभु यावे आ लोव़ - यूहन्‍ना - यूहन्‍ना 3

यूहन्‍ना 3:9-24

Help us?
Click on verse(s) to share them!
9मिनु निकोदेमसमी “इन देंशो दोपा दुम्‍ने चाप्‍बा ङा?” दे हिल्‍लो पाप्‍तु।
10मिनु येसुमी “गे इस्राएली आन कली शेंब दुम्‍शा यो, एको लोव़ मतुइक्‍नीनी?
11नोफा दाइश्‍शा थमा लोव़ नेनीन, गो आंइ तुइश्‍शो लोव़ पाइनीकी। आंइ तशो यो शेंनीकी। गे चहिं आंइ शेंशो थमा मसुइक्‍नीनी।
12गो इन कली रागी ङा लोव़ पङानु, गे थमा मसुइक्‍नीनी। मिनु गो स्‍वर्ग ङा लोव़ पाता हना, गे दोपा थमा सुइक्‍ने चाप्‍नीनी?
13मुर परमप्रभु यावे आ बाक्‍तीकेम मलम। स्‍वर्ग रे जाक्‍शो रागीमी जरमेशो ला परमप्रभु यावे आ बाक्‍तीकेमी बाक्‍शो बाक्‍त।
14मोसा गोरशो रागीम बाक्‍मेनु, कांसा के बुस्‍स सेल्‍शा, मेको कली क्‍युक्‍शा वोदा बाक्‍त। मोपा रागीम जरमेशो यो क्‍युक्‍चा पुंइसीब। गन्‍ती २१:८-९
15मारदे क्‍युक्‍चा पुंइसीब देंशा हना, सुमी मेको कली थमा सुइक्‍बा, मेको गेना हना यो ब्रोंइशा बाक्‍चा ताइब” देंत।
16परमप्रभु यावेमी रागी ङा मुर आन कली शुश दाक्‍ताक्‍व। मोपतीके आ कांइचीक तौ रागीमी सोइक्‍ताक्‍व। सु सुमी मेको कली थमा सुइक्‍नीमी, मेकोपुकी नरक मलाइनीम। तन्‍न गेना हना यो परमप्रभु यावे नु बाक्‍चा ताइनीम। रोमी ५:८; रोमी ८:३२; १यूहन्‍ना ४:९
17परमप्रभु यावेमी रागी ङा मुर आन कली निसाफ पा नरकमी वोइक्‍चा, दे आ तौ मसोइक्‍त। तन्‍न रागी ङा मुर आन कली नरक रे प्रोंइचा कली सोइक्‍ताक्‍व। लूका १९:१०
18सुमी परमप्रभु यावे आ तौ कली थमा सुइक्‍बा, मेको स्‍वर्गमी निसाफ पचा मपुंइसीब। सुमी चहिं थमा मसुइक्‍बा, मेको ङोंइती रेन निसाफ पा सजाइ तचा पुंइसीब दुम्‍शो बाक्‍ब। मारदे हना मेकोमी परमप्रभु यावे आ कांइचीक तौमी पाप रे प्रोंइब, दे थमा मसुइश्‍शो बाक्‍ब। यूहन्‍ना ५:२४
19मिनु निसाफ दोदेंशो बाक्‍ब देंशा हना, छेङछेङ माइश्‍शो रागीम जाक्‍त। मुरपुकीमी छेङछेङ क्‍येङा छिङछिङ कली शुश दाक्‍ताक्‍म। मारदे हना आन पशो गेय मरिम्‍शो बाक्‍त। यूहन्‍ना १:५,९-११
20सुमी मरिम्‍शो गेय पाइबा, मेकोम छेङछेङ कली काइ मदाक्‍ब। आ गेय मतांइसेक्‍ल, दे छेङछेङमी मलाइब। एफिसी ५:१३
21सुमी चहिं थमा पा रिम्‍शो गेय पाइबा, मेको छेङछेङमी लाइब। मारदे हना आ रिम्‍शो गेय परमप्रभु यावे कली टिशो नेल्‍ल तांइसेक्‍ल, दे छेङछेङमी लाइब। १यूहन्‍ना १:६-७
22मिनु नोले येसु नु आ शेंसीबपुकी यहूदीया रागी लाम्‍तेक्‍म। मेकेर आ शेंसीबपुकी नु बाक्‍शा, ब्‍वाक्‍कुमी ख्रुम्‍शा ग्रुंइतीक गेय पाम्‍‍तेक्‍म। यूहन्‍ना ४:१-२
23यूहन्‍नामी यो सालीम सहर आ नेक्‍था एनोन बाक्‍तीक ङा शुश ब्‍वाक्‍कु बाक्‍तीकेमी ब्‍वाक्‍कुमी ख्रुम्‍शा ग्रुंइतीक गेय पशो बाक्‍त। शुश मुर जाक्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍म।
24मेना यूहन्‍ना जे‍ल्‍खानम चोक्‍चा मपुंइसीशो बाक्‍त। मर्कूस १:१४

Read यूहन्‍ना 3यूहन्‍ना 3
Compare यूहन्‍ना 3:9-24यूहन्‍ना 3:9-24