19येसुमी पत्रुस दोपा परमप्रभु यावे आ सक्ति कोंइशा, साइक्चा पुंइसीबा, दे मोदेंशो देंत। मिनु येसुमी “आं नोले खोइय्यी” देंत। यूहन्ना १३:३६
20मिनु पत्रुसमी येसु आ नोले खोइश्शा, फिर लेश्शा कोव़ङानु, येसु आ दाक्शो शेंसीब आस नोले खोइश्शो ताप्तु। मेको शेंसीब सु बाक्त देंशा हना, ङोंइती नाक्दो ङा खमे जची ना येसु नु बाक्शो बाक्त। मेको “प्रभु, इन कली साइक्ब आन कली वारच पाइब सु में?” दे हिल्लो पाइब बाक्त। यूहन्ना १३:२३-२५
21मिनु पत्रुसमी मेको कली तशा “प्रभु, मेको कली मार दुम्बा?” दे हिल्लो पाप्तु।
22मिनु येसुमी “गो लेंशा मजाक्ङा सम्म मेकोमी रिम्शा बाक्चा माल्ब, दे मिम्ताक्ङ हना यो, इ कली मार दुम्बा ङा? गे आं नोले खोइय्यी” दे माइक्तु।
23मिनु थमा सुइक्बपुकीमी मेको येसु आ दाक्शो शेंसीब आ पर्बम “मेको शेंसीब मबेक्ब” दे लोव़ पमुम्तेक्म। तन्न येसुमी “मेको मबेक्ब” देंशो ममाइ, तन्न “गो मजाक्ङा सम्म मेको रिम्शा बाक्ल कों मबाक्ल, इ कली मार दुम्बा ङा” दे माइश्शो बाक्त।
यूहन्ना 21
यूहन्ना 21:19-23