28“दाहेन्से ङाइ लतोःबा गे जिन्जी” भिसी येशूसे था याङ्सी बचनरी भ्रिबा जम्मान ताम पूरा तगै भिसी येशूसे “ङादा क्युइ फुइजी” भिसी सुङ्जी।
29थेरी अङगुरला कम्बा निङगु मुबा ताङ गिक मुबा। थेतबासेलमा सिपाहीगदेसे हिसप भिबा दोङला हाँगारी क्वानगेन खीसी थे निङगुरी ब्लुम्सी येशूदा ख्वाजी।
30अङगुरला निङगु सोल्माहेन्से येशूसे “दाहेन्से ङाला गे जिन्जी” भिसी थोबो कु लजी। जमाहेन्से येशूला सा निजी।
31थे धिन चा मिश्र य्हुल्साग्याम फेसी खबा धिनदा ढन्सी धङ्बा चाड धङ्बारी तयार लबा धिन मुबा। चु धिन चा यहूदीगदेसे ब्लप्बा न्हबा धिनना ङाच्छाकुनु मुबा। न्हङगरदङ मिश्र य्हुल्साग्याम फेसी खबा धिनदा ढन्सी धङ्बा चाड धङ्बा धिन परब तबासे लमा जमाकुनुला ब्लप्बा न्हबा धिन चा थेनीगदेला लागिरी मुल धिन मुबा। थेतबासेलमा थे मुल धिनकुनु क्रुसरी खालैलान लास आतगै भिसी यहूदीगदेसे ह्राङ ह्राङ न्हङरी सल्लाह लजी। ओच्छे थेनीगदे पिलातस मुबा ग्लारी निसी, “सिबाला सजाय पिन्बा म्हिगदे योनान सिगै भिसी थेनीगदेला काङ क्युइसी क्रुसग्याम मार तेःपुङ्गो” भिसी बिन्ती लजी।
32जमाहेन्से सिपाहीगदे खसी ङाच्छा येशूदेन छ्यामनोन क्रुसरी टाँगब लबा म्हि न्हीला काङ क्युइजी।
यूहन्ना 19
यूहन्ना 19:28-32