14कर इङ्गाॽ पिरुङ्बा च्वाःत् के़धुङ्बान् आप्फाल्ले़आङ् कुवामे़मिःक्ने़न्॥ इङ्गाॽ पिरुङ्बा च्वाःत्तिन् मे़न्नुप्मनाबा हिङ्मन् के़बिबा सदादिङ् के़बुम्बा वाबुन् हे़क्के खुने़ॽओ पोःङ्लो॥”
15खे़न् मे़न्छुमाॽइल्ले़ ये़सुःन् मे़त्तु, “आदाङ्बे, इङ्गाॽआङ् खे़न् च्वाःत्तिन् पिराङ्ङे़ॽओ, हे़क्केलॽरिक् इङ्गाॽ आवामे़मिःक्ने़न्ल हे़क्क्याङ् ए़त्ले़ङ् इङ्गाॽ च्वाःत् फाःत्छे़ कप्मो ताःमा मे़बोःङ्ने़न्लरो॥”
16ये़सुरे़ खे़न् मे़न्छुमाॽइन् मे़त्तु, “पेगे़ॽआङ् के़ये़म्बाॽइन् कप्मो उःत्ते़ तारे़ॽ॥”
17खे़न् मे़न्छुमाॽइल्ले़ नोगप् पिरु, “इङ्गाॽ आये़म्बाॽ होःप्लो॥” हे़क्केःल्ले़ ये़सुरे़ मे़त्तु, “इङ्गाॽ आये़म्बाॽ होःप्लो लॽरिक् खे़ने़ॽ से़क्खाए के़बाःत्तुॽरो॥
18से़क्खाए उन्छेःन्छा ङासि के़ये़म्बाॽ मे़बोःक्खे़ मे़जुरे़आङ् वाॽ॥ आल्लो आत्तिन् मनाःन्नु खे़ने़ॽ के़वाॽ खे़न्नाङ् से़क्खाःल्ले़ के़ये़म्बाॽ मे़ःन्लो॥ हे़क्केलॽरिक् इङ्गाॽ आये़म्बाॽ होःप्लो के़बाःत्तुबान् से़क्खाएरो॥”
19खे़न् मे़न्छुमाॽइल्ले़ ये़सुःन् मे़त्तु, “आदाङ्बे, खे़ने़ॽग से़क्खाए माङ्निङ्वाॽपाःन् के़बाःप्पाने़ फाॽआङ् कुसिङ् निःत्ने़ॽरो॥
युहुन्ना 4
युहुन्ना 4:14-19