यसैया 10:11-14

¹¹मिनु गो सामरीया नु आ मूर्ति आन कली दोदेंशो पङा, मोदेंशो यरूसलेम नु आ मूर्ति आन कली मपाइनुङा ङा?” देंत।

¹²मिनु परमप्रभुमी सियोन डांडा नु यरूसलेमम पशो गेय थुमा नोले मेकोमी अस्‍सुर ङा ठेयब लेश्‍शो नु बोरशो पिप कली सजाइ गेब। यसैया ३७:३६

¹³मारदे हना मेकोमी “गो आं सक्तिमी पाता। गो आं तुइक्‍तीके नु रुप्‍तीक थुंमी मोदेंशो पाता। गो रागी रागी ङा सांद याक्‍ताक्‍ङ। मेकेर ङा मुर आन शोंप नु मारेइ मारेइ रोइक्‍ताक्‍ङ। गो आं ठेयब सक्तिमी मेको आन पिप आन कली लुक्‍च सोइक्‍ताक्‍ङमी।

¹⁴मिनु गो प्रोंइशो चिक्‍ब आन ग्‍योव़ खोदेंशो पा बाक्‍तीक नु मुर आन शोंप थित्‍ता। गो चिक्‍बीम प्रोंइशो ब्‍वोफु खुप्‍शो खोदेंशो पा, रागी रागी कली खुप्‍ताक्‍ङ। मिनु फ्रां हिक्‍शा, तेक्‍ब सुइ मबाक्‍म। मिनु सुइम मारेइ मदेंम” देंत।