36चु ताम खालै म्हिसे आहिन भिसी पाङ्बारी आखम भिबा ह्राङनीदा थानोन मुला। थेतबासेलमा ह्राङनी कुटिसी स्य्हूगो, ओच्छे तिगै आम्हन्ना तिगै गे लबारी आत।
37तिग्दा भिसम ह्राङनीसे भबा चु म्हिगदेसे य्हाङला लथान य्हो लबा आरे, ओच्छे य्हाङला लुदा बिरोधएनोन लबा आरे।
38चुदे डेमेत्रियसदेन थेला गे लबागदेसे खालैला बिरोधरी उजुर लतोःबा मुसम अदालतगदे मुनोन मुला ओच्छे न्यायाधीशगदेएनोन मुनोन मुला। थेतबासेलमा थेनीगदेसे गिकसे गिकदा बिरोध लबा हिन्सम मुद्दा युगै।
39तर चु बाहेक अर्गुन ताम पाङ्बा सेम मुसम थे तामला निसाफ य्हाङला ठिम अन्छार गन्बागदे ह्रुप तसी सदन लबा सभारी ढिक्ना लला।
40तिग्दा भिसम तिनी तबा चु हुल दङगाला दोष य्हाङथोरी खबारी खम्ला, चु थेह्रङ्नोन तबा हुल दङगा तिग्दा तजी भिसी य्हाङसे घोना लबारी आखम।”
41चुदे भिसी थे हाकिमसे थेरी मुबा म्हिगदेदा पुइजी।