28चु ताम थेःसी थेनीगदेदा ल्हानान बोमो रेःजी, ओच्छे “एफिससला म्हिगदेला आर्तेमिसनोन घ्रेन हिन्ना” भिसी थेनीगदे क्रिङ्बारी छ्याइजी।
29ओच्छे शहर न्हङनोन हल्ली खल्ली तजी। जमाहेन्से थेनीगदे जम्मान ढिक्सी माकेडोनियाला गायसदेन अरिस्तार्खस भिबा पावलला ह्रो न्हीदा चुङ्सी डुइबा छेङ्बा लसी रङगशाला न्हङरी भोर्जी।
30पावलएनोन तिगै ताम पाङ्बा सेम लसी म्हिला हुल न्हङरी निबारी म्हाइजी, तर प्रभुदा विश्वास लबागदेसे थेदा निआपुङ्नी।
31एशियाला सरकारला गे लबा कोइ कोइ मुल म्हिगदेएनोन पावलला ह्रो मुबा। ओच्छे थेनीगदेसेनोन पावलदा रङगशाला न्हङरी थानिउ भिसी पाङ्सी पिन्गो भिसी कुल्सी पुइजी।