20तिग्दा भिसम ह्राङसे ङन्दा उदेकला ताम लोप्बान मुला। थेतबासेलमा चु खाह्रङ्बा ताम हिन्ना थे ताम ङन्दाएनोन घोबा सेम मुला।”
21दान्दे एथेन्सला जम्मान म्हिगदेदेन थे ग्लारी चिबा अर्गु य्हुल्साला म्हिगदे छार छार ताम पाङ्बादेन ङ्यान्सीन धिन निना लमुबा।
22थेतबासेलमा पावलसे अरियोपागस भिबा सभाला गुङरी राप्सी चुह्रङ् भिसी भिजी, “एथेन्सला म्हिगदे, ह्राङनी जम्मान तामरी धर्म लबा चीम भिसी ङाइ म्राङ्बा मुला।
23तिग्दा भिसम ङा कोर्बान निमा ह्राङनीसे तेन्बा लथानगदे म्राङ्जी। ओच्छे ग्ला गिकला भेटी फुल्बा ग्लारी चा ‘ङोआसेबा लला लागिरी’ भिसी ठ्वाइसी भ्रिसी थान्बाएनोन स्याप्जी। थेतबासेलमा ङाइ ह्राङनीसे ङोआसेनान तेन्बा परमेश्वरला बारेरी ह्राङनीदा पाङ्ला।
24“चु जम्बुलिङदेन जम्बुलिङरी मुबा जम्मान स्हे स्होबा परमेश्वर स्वर्गदेन जम्बुलिङला प्रभु हिन्ना, थेतबासेलमा यासे स्होबा मन्दिररी परमेश्वर धन्आछ्या।
25ओच्छे म्हिला याग्याम फुल्बा स्हेगदे परमेश्वरदा तोःला भिसी थाम्हन्गो। तिग्दा भिसम परमेश्वर ह्राङसेन जम्मान म्हिगदेदा जुनी, सादेन तोःबा जम्मान स्हेगदे पिन्बा मुला।
मुल चेला 17
मुल चेला 17:20-25