30ओच्छे थेसे थेनीगदेदा मङग्यार भसी, “दाहेन्से ङाइ थार्बा याङ्बारी तिग लतोःला?” भिसी ङ्योइजी।
31पावलदेन सिलाससे “प्रभु येशू ख्रीष्टदा विश्वास लउ, ओच्छे ह्राङदेन ह्राङला जम्मान म्हेमेगदेसे थार्बा याङ्ला” भिसी भिजी।
32जमाहेन्से थेनीगदेसे थेदेन थेला दिमरी मुबा जम्मादान प्रभुला बचन थेःना लजी।
33जमाकुनु म्हुनङला थेनोन धुइरी थेसे थेनीगदेदा भोर्सी थेनीगदेला पोर ख्रुसी पिन्जी। ओच्छे थेदेन थेला दिमरी मुबा जम्मासेन तुरुन्तन बप्तिस्मा किन्जी।
34जमाहेन्से थे झ्याल्खानना हाकिमसे पावलदेन सिलासदा ह्राङला दिमरी भसी सोल पिन्जी। ओच्छे थेसे परमेश्वरदा विश्वास लबासे लमा थेला दिमरी मुबा जम्मान म्हिगदे विश्वास लसी थेदेन छ्याम ल्हानान ताङ्जी।
35तर य्हाल तमाहेन्से शहरला हाकिमगदेसे सिपाहीगदेदा “थे म्हिगदेदा पुइसी पिन्गो” भिसी कुल्जी।
36जमाहेन्से झ्याल्खानना हाकिमसे पावलदा “शहररी मुबा हाकिमगदेसे ह्राङनीदा पुइसी पिन्गो भिसी पाङ्बा मुला। थेतबासेलमा दाहेन्से ह्राङनी थोन्सी ढुक्क तसी फेप्गो” भिसी भिजी।