4तर थे शहरला म्हिगदे फेसी कोइ यहूदीगदेदेन छ्याम कोइ येशूला मुल चेलागदेदेन छ्याम ढिक्बारी छ्याइजी।
5जमाहेन्से अर्गु य्हुलला म्हिगदेदेन यहूदीगदे न्हीनोन नेतागदेदेन छ्याम ढिक्सी थेनीगदेदा दुख पिन्बादेन युङबासे तोबारी म्हाइजी।
6पावलदेन बारनाबाससे चु था याङ्सी लुकोनिया भिबा शहरला लुस्त्रादेन डर्बी शहररी ओच्छे थे शहरला क्यारमारला जिल्ला तबान यार्सी निजी।
7थेरीनोन थेनीगदेसे थार्बा पिन्बा समाचार थेःना लसीन चिजी।
8लुस्त्रा भिबा शहररी काङ चलब आतबा म्हि गिक मुबा। थे म्हि न्हमान कुज्या मुबा, थे खाइमै भ्रबा आरेमुबा।
9थे म्हिसे पावलसे पाङ्मा ङ्यान्बान मुबा। ओच्छे थे म्हिसे ङाएनोन खम्ला भिसी विश्वास लबा ताम था याङ्सी पावलसे थे म्हिदा एकोहोरो च्यासी,
10“ए काङ जूसी डोङ रेःगो” भिसी घ्रेन काइसे पाङ्जी। थेह्रङ् पाङ्मैछ्याम थे म्हि डोङ रेःसी भ्रबारी छ्याइजी।
मुल चेला 14
मुल चेला 14:4-10