47तिग्दा भिसम प्रभुसे ङन्दा चुह्रङ् भिसी कुल्बा मुला, ‘जम्बुलिङला कनाकुनीधोना थार्बा याङ्बा समाचार धोना लबारी ओच्छे अर्गु य्हुलला म्हिगदेला गुङरी य्हाल दोबारी ङाइ एनीगदेदा धम्बा मुला।’”
48चु ताम थेःमाहेन्से अर्गु य्हुलला म्हिगदे ताङ्सी परमेश्वरला बचनला जयजयकार लजी, ओच्छे जुकजुकधोनाला जुनी याङ्बारी धम्बागदेसे परमेश्वरला बचनरी विश्वास लजी।
49जमाहेन्से विश्वासीगदेसे जम्मान ग्लारी प्रभुला बचन थेःना लजी।
50तर पावलदेन बारनाबासला बिरोध लसी यहूदीगदेसे म्हिगदेग्याम मान याङ्बा परमेश्वरसे कुल्बा ताम ङ्यान्बा म्रिङम्हेमेगदेदेन शहरला मुल म्हिगदेदा थीसी, पावलदेन बारनाबासदा ह्राङला ग्लाग्याम तेःजी।
51थेतबासेलमा पावलदेन बारनाबाससे चा थेनीगदेला बिरोधरी ह्राङला काङला धुलु खर्सी आइकोनियन भिबा ग्लारी निजी।