18चु ताम थेःमाहेन्से थेनीगदेसे बिरोध लबा ख्लाजी, जमाहेन्से थेनीगदेसे परमेश्वरदा जयजयकार लजी, ओच्छे “दाहेन्से परमेश्वरसे अर्गु य्हुलला म्हिगदेदाएनोन ह्राङ ह्राङला पाप ख्लासी परमेश्वरपट्टि दोःसी सोबा मौका पिन्बा मुला” भिसी भिजी।
19स्तिफनसला बारेरी खबा दुखसे लमा ससा बङबङ तबागदेसे स्य्हान्दोगदेदा आहिन, तर यहूदीगदेदा जे थार्बा पिन्बा समाचार थेःना लबान, फोनिके भिबा ग्लादेन साइप्रस भिबा ग्ला ओच्छे एन्टिओखिया भिबा शहरधोना निजी।
20तर थेनीगदे न्हङला कोइ कोइ चेलागदे साइप्रसदेन कुरेनी भिबा ग्लाला मुबा। थेनीगदे एन्टिओखिया भिबा शहररी खसी अर्गु य्हुलला म्हिगदेदाएनोन प्रभु येशूला बारेरी थार्बा पिन्बा समाचार थेःना लजी।
21थेनीगदेदेन छ्याम प्रभुला शक्ति मुबासे लमा ल्हानान म्हिगदेसे विश्वास लसी प्रभुला चेला दोजी।