भजन संग्रह 89:46-49

⁴⁶परमप्रभु यावे, गे गेना सम्‍म ख्रुइश्‍शा बाक्‍नीनी? इन गाइक्‍चा गेना सम्‍म मी खोदेंशो पा ब्राइबा?

⁴⁷परमप्रभु, आं ब्रोंइशा बाक्‍तीक नाक्‍त इच्‍का ला बाक्‍ब। गे मुर नेल्‍ल आन कली जाम्‍शा लाइब सेल्‍शो बाक्‍नीनी।

⁴⁸मार, मुर गेनायो मबेक्‍थु, ब्रोंइशा बाक्‍नीमी? सुम आंम कली बेक्‍तीक रे प्रोंइने चाप्‍बा ङा? ठेयब सेंदा पा।

⁴⁹परमप्रभु यावे, इन साइ ङा गेना हना यो दाक्‍तीके ते लाक्‍गा? गे दाऊद कली कसम जशा, इन दाक्‍शा मप्रोंइतीकेमी लोव़ पाइतीनी।