28गो मेको कली गेना हना यो दाक्नुङ। मिनु मेको नु पशो कबल खाप्नुङ।
29गो मेको आ चच युइ आन कली गेनायो मग्याम्चा ङा पा वोइक्नुङ। मिनु मेको आ सासन पतीके सरीङ लीम सम्म बाक्ब।
30तन्न मेको आ चच युइपुकीमी आं अरेशो लोव़ प्रोंइतेक्म हना, आं निसाफ पतीके लोव़ मटिम्तेक्म हना,
31आं पचा देंशो, आं फुल्लुम मुशा ब्रेक्शो लोव़ मपाम्तेक्म हना, आं शेंशो मटिम्तेक्म हना,
32गो मेको आन पाप आ पर्बम कोक्केमी सजाइ गेनुङमी। गो मेको आन ठीक मपशो आ पर्बम तुप्शा सजाइ गेनुङमी।
33तन्न गो मेको आन कली आं गेना हना यो दाक्तीकेम मप्रोंइनुङ। आं दाक्शा मप्रोंइतीके मेको नु लीब।
34गो आं कबल नेल्ल खाप्नुङ। आं ङोंइती देंशो लोव़ थमा पा पाइनुङ।
35गो आं नेंमी काले कसम जाता, गो दाऊद कली जोल मपाइनुङ।