Text copied!
CopyCompare
परमप्रभु यावे आ लोव़ - भजन संग्रह - भजन संग्रह 72

भजन संग्रह 72:6-20

Help us?
Click on verse(s) to share them!
6मिनु मेको घांस रिक्‍शो दिंममी रेउ यिशो खोदेंशो दुम्‍ल। रेउमी रागी कली जिप्‍पाइश्‍शो खोदेंशो दुम्‍ल।
7मेको आ पालामी मुर आन दातेमी ठीक पतीके ठेयब दुम्‍ल। मिनु तास्‍ला लीम सम्‍म मुर आन थुं नाइक्‍तीक दुम्‍ल।
8मेकोमी समुन्‍द्र का रे अर्को समुन्‍द्र सम्‍म नु ठेयब खोला रे रागी आ सुर सम्‍म सासन पवल। जकरिया ९:१०
9गोरशो रागी ङा मुरपुकी मेको आ ङोंइती बाम्‍मल। मिनु आ जोरी सत्रुमी फुरक तुक्‍गमेक्‍ल।
10टारशीश नु ङोन ङा टापु ङा पिपपुकीमी मेको कली तिरो थाप्‍तमेक्‍ल। शेबा नु सेबा ङा पिपपुकीमी मेको कली कोसेली चाक्‍गमेक्‍ल। यसैया ६०:९; भजन संग्रह ६८:३०; १राजा १०:१-२
11पिप नेल्‍ल मेको आ ङोंइती बाम्‍मल। मिनु रागी रागी ङा मुर नेल्‍लेमी मेको कली गेय पामेक्‍ल।
12मारदे हना मेकोमी आ कली पुंइब श्‍येत जाइब आन कली प्रोंइब। वारच पाइब मबाक्‍शो प्रुङग आन कली वारच पाइब। अय्‍युब ३६:१५
13मचाप्‍ब नु श्‍येत जाइब आन कली शिशी पाइब। मेकोमी प्रुङग आन कली साइक्‍तीक रे प्रोंइब।
14मेको आन कली दिप्‍तीक नु हुश ख्राक्‍श पोक्‍तीक रे प्रोंइब। मारदे हना मेको आ ङोंइती हिक्‍सीशो बाक्‍नीम। भजन संग्रह ९:१३; भजन संग्रह ११६:१५
15मेको शुश नाक्‍त ब्रोंइल। शेबा ङा सुन मेको कली चाक्‍गमेक्‍ल। मुरपुकीमी मेको आ पर्बम प्रार्थना पस ङा पस पामेक्‍ल। नाक्‍त रे मेको कली आसीक गेमेक्‍ल।
16मिनु रागी शुश अन्‍नम ब्रील। डांडा तार यो अन्‍न ग्रेल्‍ल। मिनु फल फुल लेबानोन ङा खोदेंशो पा सिल्‍ल। सहरम बाक्‍ब मुर घांस खोदेंशो पा सोशा बोशा शुश दुम्‍मल।
17मेको आ नें गेना हना यो लील। नां बाक्‍म सम्‍म आ नें ठेयब बाक्‍ल। रागी रागी ङा मुर नेल्‍लेम मेको रे पा आसीक तामेक्‍ल। मिनु मेकोपुकीमी मेको आ पर्बम “ग्‍येरसीशो मुर बाक्‍ब” देंमल। उत्‍पत्ती १२:३; उत्‍पत्ती २२:१८
18परमप्रभु, परमप्रभु यावे, इस्राएली आन परमप्रभु ठेयब बाक्‍ब। मेकोमी ला छक लाक्‍चा ङा गेय पाइब। भजन संग्रह ४१:१४
19मेको आ नें गेना हना यो ठेयब बाक्‍ब। रागी नेल्‍ल आ सक्तिमी ब्रील। आमेन, मेको थमा बाक्‍ब। यसैया ६:३
20येस्‍से आ तौ दाऊद आ प्रार्थना एकोन बाक्‍नीम।

Read भजन संग्रह 72भजन संग्रह 72
Compare भजन संग्रह 72:6-20भजन संग्रह 72:6-20